(( المغتربات تجتمع في نور فاطمه ))

[ام حماده]

اللهم صل على محمد وال محمد وعجل فرجهم
الاخت العزيزه نور الولايه علي
شكرا على مشاعرك الطيبه النبيله
الله يرد كل فاطميه مغتربه بحق غريب طوس

[نور الولاية علي]

بسم الله الرحمن الرحيم

اللهم صل على محمد وآل محمد

السلام على الزهراء البتول الطاهره وعلى أبيها وبعلها وبنيها والسر المستودع فيها

السلام عليكم ورحمة الله وبركاته

الشكر الله

اختي العزيزة

شاركينا بأمور حياتك وما تجاربك

وشنو الشي اللي صادفك زين عجبك تفقدينه في بلدك
ومن هذا القبيل

وكلمونا عن تجربة حلوة ومفيدة بغربتكم ؟؟؟؟

تجربة حلوة استفاديتوا منها أو انتوا قدمتوا الفائدة لأحد قريب أو بعيد عليكم ؟؟؟

هونيها وتهون عزيزتي وخلينا نصبر بعض
والله كريم

[ام حماده]

اللهم صل على محمد وال محمد وعجل فرجهم
صحيح والله كلامك لازم الانسان ينظر للناحيه الايجابيه
اللي عجبني في هذي البلاد انهم منظمين كلشي مرتب يعني حتى لما يقررون يقطعون الكهرباء علينه لغرض الصيانه(احنه ساكنين في مجمع سكني ماخذين شقه)يعملون اعلان ويلصقونه في المصعد انه الكهرباء ستقطع من الساعه الفلانيه الى الساعه الفلانيه وكذلك الماء , حتى لما نجي ندفع فلوس الباركنك تشوفي الناس تلقائيا توقف بانتظام واحد ورى الثاني طبعا .........والكل مبتسم بوجهك يعني اذا دخلت محل في اي مول حتى لو اقولله يشوفني البضاعه كلها ما يقول شي واذا طلعت حتى لو ما مشتريه يقول لي ثانك يو بينما لو هاي بالعراق الله العالم شيسوي ابو المحل اذا ما تشترين منه
مع الاسف اتمنى العراق هيجي يصير
تدرين هاي المولات اللي متعجبين بيها جانت عدنا بالعراق من الستينات بس كان اسمها الاسواق المركزيه او الاورزدي
هم عدهم كله غابات عرفو شلون يقصوها ويسوون بيها شوارع وجسور روعه بالبناء واحنه ابسط جسر 6 سنين ما يخلص
مثل ما يقول زوجي انه العراقيين مثل ام عندها طفل مشوه رغم كلشي هي تحبه حتى لو الناس يشمئزون منه