لاتجبري طفلك على النوم

[أم حسين]

شكر لكِ أم فاطمة و بارك الله فيكِ ..

كأنج ضربتي عالوتر الحساس .. و الله ولدي معذبنا في النوم ... رغم إنه نومه قليل يعني حتى لو ينام الظهر أكثر شي نص ساعة و يقعد .. و مع هذا في الليل يعذبنا على ما ينام ..
ابوه يجيب قصصه لانه يحبهم و ينجذب لهم و يقصهم عليهم و ينتهي من وحدة ويبدأ له بالثانية لعل و عسى ينام و لو زين يستمر في نومه لين الصبح .. كل ساعة ساعتين يقعد ويصيح يبغانا نشيله من السرير و هذا الشي اللي مضايقني انه ما يرضى ينام بسريره أبداً يعني لازم ينام ويانا بالسرير تالي ننقله لسريره .. رغم اني من صغره ما عودته انه ينام في سريرنا ابداً بس ابوه من كم شهر كان يخليه ينام بجنبه كم مرة و الحين تعود ..
يعني إذا باءت محاولات أبوه في تنويمه بالفشل و يقوم يخليه في سريره يذبح روحه من الصياح لدرجة إنه يرجّع أحياناً فهذا يجبرنا إنا نشيله من سريره لو يسوي لنا مجزرة !!!