&هل البنت تستحق الثقة &منقول

[أم محمـد]

السلام عليكم

اعتقد وجهة نظري مثل اختنا العزيزة المرتجية اذا مو أشد

البنت لازم تنطي ثقة بس لازم رقابة شديدة جدا جدا عليها ,, ومع الاسف بهذا الزمن والتطور وكل وسائل الاتصال

البنت انفتحت على كل العالم ,, مو معنى كلامي بس البنت تخطئ والولد لا وما يحتاج مراقبة ,, بس طبيعة

مشاعر البنت بسرعة تتأثر وتصدك ودائما نشوف المراهقات من ورا المسلسلات والروايات وعدم منع

الاهل لهاي الاشياء عايشين جو رومانسي حالم ,, والغلط يبدي بخطوة صغيرة ما متوقعة

ودائما حقيقة اتعجب من الاهل يكولون عدنا ثقة مطلقة بابنتهم ويسمحون لها تطلع ويا صديقاتها وحدها

وعدها حاسبة ونت بغرفتها وتلفون وحدها وما يعرفون منو يتصل بيها وبمنو تتصل ولا وين تدخل وتطلع

بمواقع النت لو يسمحولها تشوف برامج التلفزيون وحدها والمسلسلات وكلها عدهم ثقة بيها ,, المشكلة

بنص كل هذا اذا غلطت مراح يعرفون واذا عرفوا راح يحاسبوها وهمة اول الغلطانين

يمكن لو الله رزقني بنية بالمستقبل راح " اضيق عليها جدا" بس اكيد احاول اصير صديقة الها

وانزل لعمرها ومستوى تفكيرها واسوي وياها كل الفعاليات اللي تريدها حتى لو ما مقتنعة بيها

بس حتى ما تنحرم وحتى اكون وياها بكل خطوة واشوفها شنو تفكيرها والى اي حد ممكن توصل حتى

تحقق وتنفذ الشي اللي تريده وهل تهتم كون الشئ صح او غلط , حرام او حلال

موفقة دائما اختي العزيزة

نسألكم الدعاء