شاركينا رأيك: لو طفلك شاهد شجارك مع زوجك ماذا تفعلين؟

[أم محمـد]

أللهم صلِ على محمد وأل محمد وعجل فرجهم

السلام عليكم

عزيزتي براءة فاطمة الزهراء , مواضيعك دائما جميلة تفتح مجال للحوار والنقاش وسماع وجهات النظر الاخرى

بداية وقبل نقاش المشكلة او الزعل بين الزوجيين اعتقد الطفل حتى يكون مثالي او حتى يكون بالصورة المثالية

اللي اتمنى وكل أم تتمنى يكون أبنها عليها لازم قبل ما اكوله كون هادئ أني اكون هادئة

وقبل ما اعلمه يكون صوته منخفض ازم اني ما ارفع صوتي ,, وقبل ما اطلب منه يكون هادئ بلعبه

وما يضرب اخوانه او اصدقائه ازم أني ما استعمل هاي الطريقة وما اضرب

وقبل ما أطلب منه عدم نقل الشجار أو أي شي يخص بيتنا لمكان ثاني واشخاص ثانيين المفروض ما اطلب منه ينقل ألي

من راح بيت صديقه او بيت عمه او جده شنو شاف ومنو شاف وشنو حجوا وشلون تعاركوا فالطفل تدريجيا راح يتعلم ينقل حجي

او ينقل اشياء تخص بيتنا وتخص عائلتنا لغير مكان , بس اذا من يجي يريد يحجي افهمه ماما عيب تنقل كلام وخصوصيات

اهلنا لان مو صحيح راح يتعلم ما ينقل حتى ابسط الاشياء عن حياتنا

طبعا الكلام ينطبق على الام والأب مو بس الأم

فبالتالي لازم يكون اكو اتفاق من البداية بين الزوجيين على اسلوب التربية واسلوب التعامل بينهم كدام الاطفال

ويبقى الزوجة تكدر تمتص غضب الزوج بهدوءها حتى ما يوصل للصوت العالي والضرب , وان شافت المشكلة راح تتأزم

ممكن تبقي الاطفال بغرفتهم يلعبون او على التلفزيون او تنعزل ويا زوجها بغرفة وحدهم الى أن تنحل المشكلة

والمفروض ان صار بالغلط شجار بين الام والاب والاولاد كانوا حاضرين الاهل ما يتغاضون ويسكتون عن الموضوع

بالعكس يفهمون الاطفال صار مشكلة صغيرة بين ماما وبابا وحلوها وحتى لو الزوجة بعدها زعلانة المفروضة

تضحك ويا زوجها وتتصرف بطبيعية وألفة كدام الاطفال حتى ما يبقى أبالهم شئ

والزوج كذلك أن كان زعلان على زوجته المفروض بينه وبينها مو كدام الاطفال

موفقة حبيبتي والله يبعد عن الجميع سوء الفهم والخلافات وسرعة الغضب

ويرزق الزوجين الحكمة والصبر وحسن التصرف

نسألكم الدعاء