[نرجس الزهراء]

اللهم صلِ وسلم على فاطمة وأبيها وبعلها وبنيها,,

أشوف كثير هالموضوع ينطرح في منتدياتنا الشيعية.. وللأسف للحين ما أشوف موضوع متكامل يناقش الموضوع من البداية للنهاية.. أغرب التركيز على الاختيار (هل تلبسي س أو تلبسي ص) !!

أنا رأيي القاصر يقول/
وردة 9
إحنا عندنا ضوابط شرعية للحجاب الاسلامي الولائي.. وكل بنت تعرف وش العباة الي تسعد اهل البيت والعباة الي تغضبهم..

أكيد إنكم تعرفوا كثير بنات يلبسوا عباية راس بس، وكأنها تقول للي حولها ترى أنا ملتزمه حيل.. بس للأسف من جهة ثانية تطريز وفتح من تحت ومشيه غوايه وقماش لماع حييييييييل وملفت..

وفي بنات يلبسوا كتف بس في قمة الاحتشام وكأنها في زفة ملائكة..

وهنا وجه التباين في الموضوع..

إنما أنا بصراحه في المجتمع الي أعيش فيه أميل إلى عباية الرأس لأنها تساعد على احتشام أكثر.. والنظرة العامة للمجتمع تؤيد الرأس أكثر من الكتف إلا أن تكون الأخيرة ذات مواصفات واحتياج يفضلها على غيرها..

والموضوع فيه تفاصيل أكثر.. إلا أني أحببت أن أشارك بوجهة نظر لعلها أن تكون موفقه..

رعاكم الله بحق السيدة زينب _عليها السلام_