|
الحوادث اليوميه التي يتعرض لها اطفالنا
السلام عليكم ورحمة الله
طبعا بما اني لا اعرف اكتب باللغه العربيه الفصحى ساكتب بالعامي قبل قليل كنا نتناقش عن طؤيق قروب بالواتس اب عن الحوادث اليوميه الي يتعرض لها اطفالنا تعرفون الاطفال الله يحميهم من كل شر ان شالله حركاتهم كثيره واحيانا يؤذون نفسهم ويعرضون نفسهم للخطر فحبيت اعرف لاسمح الله طفلك او اي طفل امامك صار له اي حادث كيف تتصرفين انتي الام....الاخت......وكيف بيكون ردة فعلك.... مثلا حعطيكم مثال عن نفسي قبل فتره ارتفعت حرارة بنتي ومن الحراره صار في تشجنج وكأنها اغمى عليها وطبعا بما اني طفلتي الاولى فماجربت ابد مثل هذه الحوادث كان ردة فعلي مجنونه للاسف (اركض واصرخ ووصلت المستشفى وحالتي حاله حتى سببت ارباك للمرضات وصارو يركضون معي) الحمدلله بعد ماخرجت بنتي من المستشفى لمت نفسي كثير اقول ليش انا عملت كذا ليش ماصبرت نفسي وليش وليش ... تمنيت بهاللحظه كنت متماسكه وتعاملت مع هذا الي صار مع طفلتي بهدوء موقف ثاني من البنات اللي تناقشنا معهم قبل قليل... طفلتها بلعت عمله معدنيه طبعا ردة فعلها مثلي صرخت وبكت وركضت للمستشفى والحمدلله طلعت بخير وموقف ثالث بعد من اللي تناقشو ابنتها عمرها بالشهور نسكب عليها حليب حار وهي سبحان الله ماتحب الشوشره فكانت تتعامل مع بنتها بهدوء حتى عرفت كيف تعالجها وسوت لها اسعافات منزليه على ماجهزو السياره ووصلوها المستشفى حبيت اعرف ردات الفعل ومن غير الف شر على اطفالنا ومن اي نوع انتي؟؟ لكن منكم نتعلم اذا يكون وحده ردة فعلها سليمه ومنطقيه اتمنى القى تجاوب معي وردود وبما اني جديده معكم:nadismilygioofa: |
رد: الحوادث اليوميه التي يتعرض لها اطفالنا
اللهم صل على محمد وآل محمد
بارك الله فيك وفي جهودك على الموضوع القيم اختي العزيزة انا من النوع الذي صح يقلق ويخاف من حدوث شئ لطفلي لكن يغلب علي الصبر ولله الحمد فمثلاً قبل فترة طفلي الصغير لا اعلم بأخوته الكبار اعطوه مصاصة حلويات رأسها مدور وصلب جداً وانا غارقة في اعمال البيت ومنهمكة انفصلت المصاصة من قصبتها وهم يلعبون في غرفة اخرى سمعت صراخ اطفالي اللي اكبر منه واتيت مسرعة وتفاجئت بالموقف وللان انا اتحذر واتذكره واحمد الله رأيت ابني الصغير وقد اختنق ويشهق بصوت متواصل ارتعبت صح ولم اتمالك قدماي شلوا احسهم لكن بسرعة قمت بقلبه للأسفل ونفضه عدة مرات وكذلك ضربت على ظهره والحمد لله سقطت كرة الحلوى من فمه الف الحمد لله والشكر له مشكورة والله يعطيك الف عافيه اختي الفاطمية |
رد: الحوادث اليوميه التي يتعرض لها اطفالنا
اللهم صل على محمد وال محمد وعجل فرجهم ياكريم
بارك الله فيكِ أختي العزيز عالموضوع القيم قبل فتره صار موقف الى اخي الصغير كان بحلوى صغير كانت رده الفعل بهدوء و ما كان يتنفس ضربه على ظهره الى حد ما طلعت مع شرب الماء مشكوره اختي العزيزه |
رد: الحوادث اليوميه التي يتعرض لها اطفالنا
شمعة البتول والراضيه مشكورين عزيزاتي ع المشاركه ماشالله تبارك الرحمن الله يعطني الهدوء وقت الشدد
اتمنى البقيه يشاركون معنا |
رد: الحوادث اليوميه التي يتعرض لها اطفالنا
موضوعك رائع جدا
قبل فترة بنتي اخذت هذا الصجم مال مسدسات النايلون يلعبون بي الاطفال وهي تلعب بهذي الصجمة واني التهيت بشغل البيت تاخذ الصجمة وتخليها بأنفها واجتني تصرخ وادكول ماما طبت الدعبلة بخشمي واني حاولت اطلعها لكن هي نشكت وصعدت الصجمة لفوك اني صار عندي انهيار وماتحملت اخذناها للمستشفى بسرعة والدها ماكان موجود بالبيت الجيران الله ينطيهم العافية ماقصروا وياي وصلنة للمستشفى وطلعوها بملقط والحمدلله والشكر مثل هجي مواقف ترعب الام وينحصر تفكيرها وتظل تبجي وتنهار الله يصبر الامهات انشاءالله |
| الساعة الآن 11:02 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. TranZ By
Almuhajir