منتديات نور فاطمة عليها السلام - منتدى نسائي للمرأة فقط

السلام عليكم و رحمه الله و بركاته

ازيكم ، انا الشيف ميرو و هقدملكم النهاردة طريقة عمل الفاصوليا البيضه في المنزل بكل سهولة ، و المقادير قليلة و موجودة في كل بيت ، و عايزة اتكلم الاول عل شوية فوايد للفاصوليا قبل ما اقولكم طريقة التحضير

المعلومات دي انا جمعتها من النت :

الفاصوليا البيضه بتطهر الجسم من السموم علشان بتحتوي علي مواد صحية بتطهر

بتحتوي علي الكربوهيدرات بطيئة الهضم ، و علشان كدة هي مفيدة لمرضي السكر

بتحد من مخاطر القلب و امراضه

بتنظم مستوي الدهون في الجسم

تحتوي عل يمضادات اكسدة كتير ، و ده بيحمي من مرض السرطان و الزهايمر و الجلطات ، و كما بتحارب تجاعيد الجلد و بتحافظ علي نضارته و حيويته

الفاصوليا كمان بتقلل الضغوط و بتمحي الشعور بالقلق و التوتر و الضغط النفسي كمان .

علشان كل الفوائد دي كلها هقدملكم طريقة عمل الفاصوليا البيضاء علشان تستفيدو منها و من فوائدها الكثيرة .

المقادير :

فاصوليا بيضه مسلوقة و متصفيه
بصل مبشور
جزر
عصير طماطم
زيت
ملح
فلفل اسود
سمنه

طريقة عمل الفاصوليا :

الاول هنحط طاسه علي النار و نحط فيها ملعقة سمنه
بعد كدة هانحط البصل المفروم و نقلبه شوية و نحطله ملح و فلفل

بعدها نحط الثوم المفروم و نقلبهم مع بعض و بعدها نحط معاهم جزر مبشور و نكمل تقليب

دلوقتي نحط الفاصوليا المسلوقة مع المقادير و نقلبها شوية
و بعد كدة نحط عصير الطماطم و نزود ملح و فلفل اسود علشان نظبط الطعم بعد الاضافات اللي حطيناها

دلوقتي لو عايزة كملي تسوية الفاصوليا علي البوتاجاز خليها في الحلة علي النار لحد ما تستوي بس تغطي الحلة طبعا

و في طريقة تانية انك تحطي كل المكونات و الفاصوليا في طاجن فخار و تحطيها في الفرن لحد ما تستوي

ليكي حرية الاختيار ، و في الحالتين الطعم حلو و لذيذ

قدميها مع أرز بالشعيرية و سلطة خضراء و بالهنا والشفا

و انتظار رأيكم