|
نبي افكاركم للحد من مخاطر الافلاس الشهري
اللهم صل وسلم على محمد وآل محمد وعجل فرجهم أخواتي .. أكثر العوائل البحرينية تعاني من ظروف مادية صعبة بسبب الغلاء والإسراف .. في هذا الموضوع نبي كل وحده تكتب لنا افكارها في تنظيم القائمة المادية بحيث نحد من الاسراف وغلاء المعيشة .. لان اكثر الرجال مايوصل نصف الشهر الا المعاش طار بس وين طار مايدري .. لان مافي اي تخطيط للراتب الشهري.. [hr]#961212[/hr] دمتم بحفظ المولى |
ببتدي بالصلاة على محمد وآله وبكتب لكم أفكاري للحد من الافلاس ... سويت جدول في الاكسل وكتبت فيه كل شي يخص ميزانية الشهر اللي كل شهر ناخذها الجدول عبارة عن 8 خانات قسمتهم على حسب مشترياتنا اول شي اغراض البيت كتبت السلع واسعارها والكمية والمجموع كم يطلع والمصروف الشهري للزوجة والزوج .. ارصدة بترول .. فاتورة البيت والتلفون والنت .. وجمعية للتوفير .. مبلغ شهري لعمتي والخدامة .. مبلغ لطلعاتنا المطعم والسينما مرتين في الشهر او مرة وحده فقط نحسب كل شي ونحط خانه للمعاش لما نسوي هالشي نعرف الاشياء اللي بناخذها ونحد من الاسراف |
مشكووووورة خيوووووو على هالموضوع
|
خوووووووووش موضوع والله
عاد اناا لحين ماا تزوجت بس بتعلم منكم بس طريقتج وايد حلوة الاحتفاظ بالأرصدة و تسجيل المصاريف بمذكرة يومية ... يخليج تعرفين وين تصرفين افلوسج وحاولوا قبل ماا اتروحون تشترون اغراض البيت تكتبونها كلها في ورقة ... والشاطر إلي يبي أوفر يلتزم فيهااا |
فكرة دموع الكوثر حلوة وأنا طبقتها ، المشكلة زوجي ما واظب على كتابة المصروفات و في نهاية الشهر تضيع الحسبة و كأنك يابوزيد ما غزيت
|
موضوع رائع
سويت مثل طريقة كوثر بس زوجي الله يهداه ماايحب يلتزم اعطونا بعد طرق ثانيه عشان انشوف مشكوره غالتي كوثر مااقصرتي |
تسلمووون حبيباتي
وهذي الطريقة اني نفعت وياي نبي نشوف الطرق الثانيه يالله شدووو الهمه نبي افكار |
بسم الله الرحمن الرحيم
اللهم صلى على محمد وال محمد يادموع الكوثر هذا موضوع مافي اي احل بنسب عندي الان الروسا الاكبار يبون يموت الشعب انا طالب جامعي وستلم كل شهر من الجامعه 900 ريال وتاريخ 18 من شهر ماعدي ريال واحد سالت نفسي وين تروح الفلوس؟ قلت مادري |
مووضووع حلوووووووو
امم انا بالنسبه ليي انا وزووجي بداايه الشهر في البداايه نتخلص ممن الفوااتير المعتااده ,, نت ..تلفوون ..الخ ونشتر دفااتر للبترول .. ونشتري اغرااض البيت وبعدهاا البااقي نخليه اذا حبيت اشتري ثيااب او احياجاات لي او لزووجي والحمد لله مستووره :) |
اقتباس:
المشاركة الأصلية كتبت بواسطة حبيب علي http://www.noorfatema.com/vb/HELAL-2...s/viewpost.gif بسم الله الرحمن الرحيم اللهم صلى على محمد وال محمد يادموع الكوثر هذا موضوع مافي اي احل بنسب عندي الان الروسا الاكبار يبون يموت الشعب انا طالب جامعي وستلم كل شهر من الجامعه 900 ريال وتاريخ 18 من شهر ماعدي ريال واحد سالت نفسي وين تروح الفلوس؟ قلت مادري اخوي حبيب علي انت اكتب لك ميزانية من 900 ريال وحاول انك تتكيف معاها وتواصل لنهاية الشهر ومع الوقت بتتعود ومابتصرفها كلها شوف الاشياء المهمة والضرورية ولا تكثر من الاكل بره البيت وهو فعلا مثل ماقلت هذا الموضوع الحل فيه صعب بس اذا حاولنا بنلاقي حلول وايد |
| الساعة الآن 02:54 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. TranZ By
Almuhajir