يالله ننتظر الاجابات احلى ولاء:d41:

صااااااااار لي مرتين انزل الردووووووود واكتب امس نزلت الاستجواب بس ما ادري شلوون اختفى واليوم بعد نزلته وتمحى وقلت اخر مرة انزل ان نزل واتخفى اختارو غيري

/ متى أول مره بديتي تطبخين؟
ما اذكر من زماان من واني صغيرة كنت احب اعفس ويا امي في المطبخ
بس بديت اطبخ طبخات تناكل في اول ثانوي

2/ وش أول شي طبختيه؟
ما اذكر كمااااان هو بيض لو الو مقلي او معكرونة او عيش ابيض>>>عفر اختارو على كيفكم

3/ ماردة فعل اللي طبختي لهم وكلوا من أكلك لأول مره؟
هههههههه محد اغامر مو مستغنين عن اعمارهم اجربوووون واككككككيد يحبطون الوووواحد

4/ ماهو شعورك من خلال أول ردة فعل؟

عااااااااااادي كنت متوقعة ردة الفعل لاني وحدة منهم ما اشجع واغامر عشان اشجعوني خخخخخخخ يحبطون معنويات الواحد



5/ هل مازلتي تطبخين حتى الأن؟
اكييد اقضي عن الملل واتسلى فيي الطبااااخ ((والطباااخ هو الطريق الى المعدة))هههههه

6/ تحبين المطبخ ولاّ لا ؟
على حسب المزززززززاج
7/ موقف طريف مر عليك أثناء الطبخ ؟
مووووووووووواقف هالموقف صادني اول ما تخرجت من المدرسة في الاجازة كنت سهرانة الى الصبح صليت وقمت سويت روحي فنانة وشاطرة قمت اسوي بلاليط واني ما اعرف كنت اتوقعه نفس المعكرونة وخليته يطبخ لين قال بس وحطيت شوية ملح وبعدين شخلته وحطيت سكر وصار عجين وفرغت غرشة الدهن واني مستانسة سويت طبخة جديدة ونجحت بس ما اكلت منه لاني لاعت شبدي منه هههههه ورحت نمت وقعدتني امي فاطسة من الضحك اسوي منهو مسوي البلاليط قلت اني ابالها من الليل هههههههههه وقاااامت تطنز علي على بلالليطي العجين وماي وطعم الملح الي محد اكله وانرمى والى يومكم ما فكرت اسويه ب جاني فضول من شهر قلت بسوي وبعد فشل بس عندي انجاز صار احسن من المرة الي طافت وهذي موقفي ويا البلاليط الي ما افكر اسويه بعد >>>خخخخخخ فشلة عااااااد سر لاتعلمون احد

8/ هل تؤيدين دخول زوجك او اخوك او ابوك للمطبخ لمساعدتك او ليطبخ عنك ؟

لاااااااا ما احب احد يعفس ويعطيني اوامر احب اشتغل بروحي اريح واحسن
9/ احسن طبخه تحبينها وتنصحين بقية الاعضاء بتجبربتها؟
ماا في بالي طبخة معينة بس بختااااااااااار معكرونة لكوني عاشقة المعكرونة


10/نصيحه منك للمبتدئين في المطبخ؟
هههههههههههه ما عندي نصيحة لاني احسن نفسي لساتي مبتدئة

ضعي لنا احد الطبخات اللي عملتيها لو السلطه " ان امكن ".
ان شاء الله في اقرب وقت

*اختاري ثلاث من الاكلات او المشروبات واهديها لأحد من الاعضاء


1- اهداء للعضو الاول
شيز كيك لنونو مون لانها ورطتني ولانهااااا اهدتني حبيب البي ورق عنب
2- اهداء للعضو الثاني
عصير مانجو بالايسكريم فريش للاخت ثلج وناار عشان تبرد على قلبهاااااا لان جاينها الدووووور ولانها اول من رد على الموضوع
3- اهداء للعضو الثالث

باستاااااااااا لياقوتة بحرينية على تواجدها ومتابعتها للموضوع وان شاء الله الدووووووور جاينهااااا



واختتتاااااااااااااااار الاخت ثلج ونااااااااار يا الله خيوووووو ننتظرش:d41:

سلام عليكم

مسامحه تأخرت،، لاني مو كل يوم ادخل المنتدى m11111

وشكرا على الاختيار :d21:

وشكرا على العصير بعد .. اشوى اخترتين شي احبه بعد جان مابوافق:d41:

الحين ولدي يزن على راسي بعد شوي بجي اجاوب

/ متى أول مره بديتيتطبخين؟
من جذي 4 او5 سنوات .. على ايام الخطوبة.. كانت امي مسافرة>> اجباري يعني هههه.. بس كنت اطبخ مقطع لاني ماكنت احب المطبخ..بس من تزوجت حبيته ليش مادري عاد.. وصرت شاطرة بسرعه الحمدلله وبشهاده الكل http://forums.graaam.com/up/uploaded...1201134453.gif

2/ وش أول شيطبختيه؟
ماذكر بس اظن عيش ابيض او اصفر

3/ ماردةفعل اللي طبختي لهم وكلوا من أكلك لأول مره؟
عادي لان اول تجربه نجحت نوعا ما بس كان ماصخ شوي اظن .. وهم مضطرين ياكلونه يعني غصبا عنهم ياكلون موكيفهمهههه

4/ ماهو شعورك من خلال أول ردةفعل؟
كنت احس انه مو حليو وهم يجاملوني وياكلونه

5/ هل مازلتي تطبخين حتىالأن؟
اي اكيد ..ست بيت الحين احم احم

6/ تحبين المطبخ ولاّ لا ؟
اي احب اطبخ وااجد واخترع بس من ولدت صرت ماقدر بسبب الجامعه والاشغال والولد

7/ موقف طريف مرعليك أثناء الطبخ ؟
مرة وامي مسافرة وكان يوم جمعة واخوي الكبير بيطلع بغذاه .. وااه يالفشلة.. قلت اسهل شي العيش الاصفر .. لكن فشلني العيش وخيب ظني فيه هههه صار لين عدل .. ولأن كان طعمه حلو وملحه وبهاراته زينة اخوي قال خسارة ينفلت ههه جان يجيب له ملاس كبيرة ويقعد يضرب فيه ويهرس لين صار مضروبة جنها بالصدق ههههه لا وبعد حط له وطلع ويا ربعه

8/ هل تؤيدين دخول زوجك او اخوك او ابوك للمطبخ لمساعدتك او ليطبخ عنك؟
الحين اني ارد عن من ممممم ،، زوجي لا كلش مااحبذ لانه يعفس وماينظف..
ابوي طبعا استحي اخليه يشتغل واني هناك .. واخوي الكبير اوكي يحب الطبخ وشغله اوكي واخواني الصغار عيايرة كل شي نسوي لهم

9/ احسن طبخه تحبينها وتنصحين بقية الاعضاءبتجبربتها؟
والله طبخات واجد جربتهم وعجبوني وسهلين
منها البطاطس المشوية.. والمندي بالفرن .. والدجاج المشوي مع الخضار بالفرن او بالصفرية.. هذلين اسهل شي ممكن الواحد يسويه اذا ماعنده وقت ويبي شي حلو ويسد الجوع.. وانشالله بحط طريقة البطاطس قريبا في موضوع

10/نصيحه منك للمبتدئين في المطبخ؟
جربوااااا... هذا احسن شي ممكن اقوله.. الواحد ما انخلق وهو يعرف كل شي.. كلما جربنا كلما تعلمنا
والفشل بدايه النجاح

ضعي لنا احد الطبخات اللي عملتيها لو السلطه " ان امكن ".
كب كيك بالفستق.. لازم نحط الطريقة هني ؟؟ بحطها في موضوع بروحه عشان الكل يشوفها
وهذي صورتهhttp://www4.0zz0.com/2009/04/11/11/751123655.jpg


*اختاري ثلاث من الاكلات او المشروبات واهديها لأحد من الاعضاء


1- اهداء للعضوالاول
لـ نور فاطمة مديرة المنتدى>>> بسبوسة
2- اهداءللعضو الثاني
لـ احلى ولاء صاحبة الموضوع >>> شوكليت جيز كيكhttp://forums.graaam.com/up/uploaded...1201134135.gif
3- اهداء للعضوالثالث
لـ نونو مون مديرة القسم >>> حلاوة البف باستري

تحياتي للجميع
وانشالله كنا عند حسن ظنكمm11111

مشكورة خيووووووووووووووو على هالاجوبة ونورتينا بوجدش وما اخترتين عضووووووووووووو ورااااااااااااش

http://akhawat.islamway.com/forum/up...1155500579.gif
على هالطبق الحلووووووووووووووووووووو


ومشكورة على الجيز كيك اممممممممممممممممممم عجيب :d41::d41:

اختار ام فاتي وزيزي

يالله طرشوا ليها رساله خبروها خلها تجي

تسلمـــــــون ع الموضوع الحلـــــوه ... ثلج ونار .. شي شي الصراحه الكب كيك