كل ما يتعلق بالمطاعم واسمائها ومواقعها وخدماتهااااا((نبي تفاعل))

[حاملة القرنفل]

السلام عليكم

بالنسبة لمطاعم البوفيهات أنا أحب أروح (رانديفو) في مجمع السيف البوفيه للشخص عندهم بـ 3دينار ونص يعتبر رخيص وأكلهم يعجبني وااااجد وبالذات السويت

و مطعم (كرامي) في جدعلي عندهم نظام البوفيه يوم الجمعة ويقدم أكلات ايرانية لذيذة

وفي (مطعم البنديرة ) اللي في النادي البحري رحته مرة وحدة في شهر رمضان وعجبني أكلهم واجد وأعتقد له فرع في السيتي سنتر

وفي مطعم (كبابجي ) في سند ملاصق ليم يم تري هذا مشوياته عجيييييييبة ألذ مشويات أكلتها في حياتي

ومطعم (لا شوكولا) اللي قبال السيف هذا عنده بيتزا اسمها four cheases هي المفضلة عندي لين اروحه لاااازم اطلبها وعموماً اكلهم لذيذ وسويتهم الذ بس غالي شوي

وأحب بعد مطعم (زيارة) في عندهم أكلات حلوة وشرابي المفضل (الزعفران) اللي ما أحصله الا عندهم عجييييب هذا راعيه بحريني و أكثر الموظفين هناك بحرينين بعد


وللفاست فود المفضل عندي هو جسميز لوجبتي المفضلة الجيكي جيكن وبابا جونز للبيتزا

وإذا تذكرت بعد مطاعم ثانية رايحتها راح أكتبها لكم