(1) كم وجبه تآكل بـ اليوم !
الوجبتين الرئيستين الغدا والعشا واحيانا ايام الاجازات الفطور
عدا عن الخرابيط خصوصا المغرب
(2) وش وجبتك المفضله [آللي مآ تقدر تستغني عنهآ ]
اذا من الوجبات الرئيسية فهي الغدى لان ارجع من الجامعه جوعانه حدي
واذا اكله معينة فهي الكاكوات ماقدر استغني عنهم
(3) أنت من النـآس آللي يتغلقون إذا جآعوا
لا عادي الواحد يتصبر بس الاول كنت اكل بسرعه لين اجوع هههه الحين صرت راكده
(4) أول مآ تدخل السوبر مآركت أي قسـم تشوف بطنك يوديك له بدون شعور !
قسم الحلويات والشوكلاتات
(5) هل صحيح مقولة [ الطريق إلى قلب الرجل معدته ] !
لا طبعا موصحيح 100% بس في رجال تنطبق عليهم المقولة
وعموما الرجال يستانسون لو المرة دلعتهم بالاكل
(6)مآ رأيك في قول [ إذآ بغيت الحرمه ترضى عليك ودهآ لـ المطعم ] !
لالا كلش مو صح.. احبذ طلعة تسوق على مطعم هههه لو قايلين سوق اكيد بقول اي
(7) إذآ دخلت البيت و أنت جوعآن مره ومآ لقيت الأكل جآهز وش ردة فعلك ؟
عادي بس ماقدر اصبر ادور لي اي شي تمشاه حال
(8)وش الأفضل عندك أكل البيت أو أكل المطعم ؟!
يعتمد على المزاج.. احيانا اكل البيت حلوو بس خاطري اطلع فاطلع عادي
(9) تحب تآكل لـ حآلك أو تآكل مع جمآعه مع ذكر السبب
اكيد ويا جماعه خصوصا بيتنا وجمعة عماتي ليله الجمعه احلى
(10)إذآ كنت من النآس آللي يحبون الكبسه أي نوع من الكبسه تحب ؟!
دجاج بكل تأكيد>> من عشاق الدجاج
(11) لو كنت معزوم / تحب تكون العزيمه مفطح ولآ بوفيه ؟
بوفيه اكيد منعا للاحراج لو ماكنت احب طبخه معينه
(12)أنت من النآس آللي تحب تآكل بين الوجبآت ؟! إذآ كآنت إجآبتك نعم وش تحب تآكل
[ شوكلآتآت وَ لآ شيبسآت وَ لآ فوآكه وَ ركزوآ على فوآكه بالله ] !
اكل عادة المغرب بعد ما اقعد من القيلولة ويعتمد على الجوع حزتها مرات اجباس وكاكوات وهرار ومرات صحن فواكه ويا الولد ومرات لازم طلعه ايسكريم وفطيرة والا شي جذي
(13)إذآ كآنت شهيتك مسدوده عن الأكل من تختآر من الأعضآء يآكل معك عشآن تنفتح شهيتك
كلهم طبعا احلى ..خصوصا واني ماعرف احد هني شخصيا
(14) وش الطبخه آللي تضبطهآ و ودك تعزمنآ عليهآ .؟؟
مممم.. الله يعطيني بيت واعزمكم كلكم
وبسوي لكم فتوش وتبولة
اذا كان غدى مندي دجاج اسويه حلوو
واذا عشى باستا بطريقتي او بشميل معهم طبق بطاطس البيتزا او المشوية
ممم وسويت بسبوسة ومارس بالكورنفلكس
هههههه قمت اتشهى موو.. صار خاطري اعزمكم واذا عزمتكم بسوي لكم اكثر طبعا هه تستاهلون