بِسْمِ اللهِ الْرَّحْمَنِ الرَّحِيِمِ
الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ وعَجِّلْ فَرَجَهُمْ وَالْعَنْ أَعْدَائَهُمْ
الْسَّلامٌ عَلَيٌكٌمْ وَرَحْمَةٌ الله وَبَرَكَاتٌهٌ
اهلا بكم مجددا على حب الحسين والزهراء
الحسين عليه السلام عندما خرج من مدينة جده رسول الله متوجها الى كربلاء
واخذ العيال والاطفال والنساء ولكنه ترك قطعة من كبده وفلذة من فؤاده الشريف
في ارض المدينة ترك طفلة له عليلة لا تقوى على السفر وهي
فاطمة العليلة الكبرى روحي فداها بقيت
كسيرة القلب دامعة العين هزيلة الجسم من المرض
وعندما تركوها بقيت هذه الطفلة ونضرها مشبوح اليهم
واقعا ان مصيبتها لتدمي القلب وتقطعه
عظم الله اجورنا واجوركم بهذه المصيبة العظيمة
فمصائب كربلاء واحدة اعظم من الاخرى
قصيدة حال فاطمة العليلة
بويه يانور العــــين ,,, ياروح الزهره ,,ياروح الزهره
عايفني ورايح يحسين ,,, گلبي شيصبره ;.گلبي شيصبره
أرجاك ,,,,,,أمشي اوياك
ياروح الزهره
أخذوني إوياكم إخذوني ’تنادي فاطمة الصغره
مريضه آني عفتوني , أجر ونات بالحــــــسره
صبر ماعندي تدروني ,إبلهيب الفرگه مستعره
متنام إلليل إعيوني , فگدة حنينه ’ فگدة حنينه
إبلاي معين إتركوني , وحدي حزينه وحدي حزينه
أرجاك ,,,,, أمشي اوياك
ياروح الزهره
الحزن خــــــيم بآهاته بوداع الأهل والخــــلان
وحشه إديارهم ظلــــــــــــت لا أطفال لا شِبانْ
بس صوت الصدى ينادي المنايا إتسير بالركبان
إتشب إلنار إوتچويني ..غايب ولينه غايب ولينه
يابويه إشلون إتخلوني ..وحدي حزينه وحدي حزينه
أرجاك,,,,,,,,,,امشي اوياك
ياروح الزهره
نار إفراگكم تلهب بعــــــــد ماظنتي إتعودون
ولا طارش لفه منكم إعيوني عالدرب تدرون
أتسائل ورد عالروح أسليها وگلـــــــها إتهون
وآني تلوع ويظنوني ...لوعة رهينه لوعة رهينه
أهلي وما ظني ينسوني..وحدي حزينه وحدي حزينه
أرجاك ,,,,,,,,,,,امشي اوياك
ياروح الزهره
إبلوعاتي إوسگم حالي ذكرة الأكبر إگبالي
صرة أترجه آمــــــالي وهدئ روع دلالي
شعاع البدر يبرالي سليت الوحشه بخيالي
أصبرالروح تدروني ..أرجا يجينه أرجا يجينه
والبعد يرجعلي إشجوني ..وحدي حزينه وحدي حزينه
أرجاك,,,,,,,,,,امشي اوياك
ياروح الزهره
ياصبر الشجن والون ونحبي وجورة الأيام
حيلي راح وتهدم زادت عــــــــالجسم آلام
خلصت والأمر حتم أضــل بالنوح والأسقام
إبگلبي هم وجرحتوني ..زيد ونينه زيد ونينه
أهلي ياحيف يعيفوني ..وحدي حزينه وحدي حزينه
أرجاك ,,,,,,,,,,,,, امشي اوياك
ياروح الزهره
لا تنسوني من الدعاء بحق عليلة الحسين عليه السلام
وللحديث بقية ,,,,,,,,,,,,,, يتبع انشاء الله