منتديات نور فاطمة عليها السلام - منتدى نسائي للمرأة فقط

السلام عليكم ورحمة الله وبركاته

مدخـل"

أطفـآلـ(نـآ)..فكيف نجعـل تربيتهـم وآجب على غيرنـآ

لشبـآب:..
وآعـد وآآعـد وآآآعـد

الخدامـات..

نـاس تربوا على اسس غير اسسنا وعلى عقيده غير عقيدتنا وعلى معتقدات تخالف مجتمعاتنا..فكيف توكلين امر اطفالك لها..وتخليهم تحت امرتها وكانها هي امهم..هي الامره والناهيه وكلامها يمشي حتى لو كان غلط..هي المربيه اللي تعلمه وش الصح والغلط وانت مالك حتى التفرجه..وللأسف أغلب الخدامات اما انهم يتعاملون بقسوه شديده مع اطفالكم او انهم يعلمونهم على اشياء مالها اي صله بالاخلاق اللي حث عليها ديننا الحنيف

ومع الأسف كثيير من الموظفات يعتبـرون الوظيفـه مهمتهم الوحيده بالحياه يشتغلون لها ويطبعون لها هالأوراق ويكون اليوم كااامل شغل لهالوظيفه..طبعا الخميس والجمعه يكون شغل مضاعف علشان يأدون افضل,,بأختصار انهم يعيشون حياتهم لأشغالهم وبس..اما عيالهم وبيتهم مالهم اي وجوود بحياتهم..وكل هم البيت والعيال ع هالشغاله اللي كأنها ملاك منزل من السما لا تتعب ولا تشقى ولا تكل ولا تمل ويالله يا (سينيتيا) اطبخي الدجاج وغسلي الملابس وامسحي القزاز واكنسي الارضيه واكلي الولد ولبسي البنت وعلى هالحال الى الابد,,وويييييين الماما..؟
المدام جالسه قدام هالاوراق تشتغل لوظيفتها<<لاتلومونها محتررره من بعض الامهات!

وبالله عليكم يالله قولولي وين الام من حياة الاطفال..ووش تعني لهم بدنياهم؟..من اللي يسهر على تعبهم؟..من اللي يقومهم كل صباح على ابتسامه تملا وجهها عشان تفتح انفسهم؟..من اللي تحصنهم قبل مايطلعون بالبيت؟.. من اللي تحفظهم كتاب الله من هم صغار عشان يكبرون فيها ويكونون من حفظة القران؟..من اللي تعلمهم على اسس عقيدتنا وتربيهم عليها من هم صغار من ومن ومن..؟!

لااااوجوود للأم بحياة هالطفل..واللي تاكله وتربيه وتعلمه من يووم ماطلع ع الدنيا ..طبعـآ هالخدامه او الام المؤقته اللي كل ماتعلق فيها راحت وجت ام غيرها!

واللي جابته ماحس بحنانها وعطفها بيوم..انا ادري ان كل ام تحب طفلها لكن وشلون هو يدري انها تحبه..؟

وانا بنفس الوقت ما اقول ان جميع الموضفات كذا..لا بالعكس فيه موضفات يعرفون ويقدرون يوفقون بين وضيفتهم وبيتهم..ويقدرون يفصلون بين وقت العمل والوقت اللي لاطفالهم..

لكن هذا مايعني ان فيه امهات غير موظفات ومسلمين الخيط والمخيط للخادمه

وهذي 25 طريقه جمعهتا لكم توصلين لطفلك انك تحبينه

1. الطريقة الأهم هي المصارحة : أنا أحبك يا بنتي .. أحبك يا ولدي كثيراً ، يا الله كم أحبك ! ..
2. المناداة بأحب الأسماء : وخاصة بكلمة ( يا حبيبتي ) ( بنتي ) ، ( وليدي ) ، ( أمولتي .. نوارتي .. ) .
3. المناداة بألقاب وكنى محببة مثل أم فلان أو أبو فلان كما كانت عائشة رضي الله عنها تكنى منذ صغرها بأم عبد الله .
4. شراء هدية وتغليفها بطريقة مميزة وكمفاجأة ! مع اختيار شيء يحبه الطفل ، ( سيكون شيئاً رائعاً أن يعود الطفل من المدرسة فيجد هدية مغلقة تنتظره على سريره من أمه ) .
5. الاحتضان اليومي والمسح على الرأس ومسح الكتف .
6. إعداد حفل مفاجئ له يوم العيد مثلاً أو بمناسبة نجاحه أو لعمل جيد قام به ( تقوم الأم بتزيين غرفة الطفل مع إعداد كعكة مزينة وهدية صغيرة ).
7. الحديث عن ذكرياته في الطفولة بمرح وحب ومدح .
8. تشجيعه والثناء عليه في كل عمل جيد يقوم به في المنزل أو المدرسة .
9. الافتخار به والثناء عليه أمام الآخرين وبحيث يسمع وبشكل جدي وصادق .
10. أخذه إلى مكان يحبه كمفاجأة من أجله .
11. إعداد طبقه المفضل من الطعام ، وأن تذكر له الأم أنها أعدته من أجله هو .
12. اللعب معه ، خاصة الألعاب الجماعية سواء الحركية ( التي تحتاج لجري أو حركة ) ، أو العقلية ( التي تحتاج لتفكير كألعاب الذكاء أو الأوراق التجارية وغيرها ) .
13. أن تقص عليه قصة قبل النوم .
14. تقبيله قبل النوم .
15. الدعاء له في كل مناسبة بصوت مسموع .
16. العفو عنه حال المقدرة ورغم الغضب إذا كان الخطأ يمكن أن يغتفر .
17. ستر عيوبه عن الآخرين وعدم ذكرها عند تطرق الآخرين للموضوع .
18. شراء جهاز أو لعبة أو كتاب كان يتمناه .
19. تسجيله كمفاجأة في ناد أو مركز كان يرغب في الانضمام إليه .
20. ممازحته والضحك معه .
21. مدح أي إنجاز يقوم به كرسم أو موضوع تعبير وتعليقه في ركن ما بالبيت أو نشره في مجلة .
22. مدح مظهره والثناء عليه والافتخار به دون مبالغة .
23. بالنسبة للولد أخذه مع والده لصلاة الجماعة ، وبالنسبة للبنت أخذ أمها لها في بعض المناسبات التي يسمح لها باصطحاب الأطفال .
24. زيارته في المدرسة واصطحابه للبيت ولو مرة أو مرتين في الفصل الدراسي .
25. أخذ الطفل للعمرة لرؤية بيت الله الحرام وتعريفه على المشاعر المقدسة

مخـرج:

شبـآب المستقبـل,,يتـامـى بـوجود ام واب,,فـ إلى متـى!