منتديات نور فاطمة عليها السلام - منتدى نسائي للمرأة فقط

- التربية والطفل (http://www.noorfatema.com/vb/forumdisplay.php?f=18)

- - أختيار الروضة (http://www.noorfatema.com/vb/showthread.php?t=3444)

أختيار الروضة

أخواتي بنات نور فاطمة(ع)،، أشوف وايد منكم محتارين في الحضانات والروضات، قلت خل نجتمع كلنا بنات الوطن العربي ونفيد بعض وكل وحده تقول لنا تجربتها مع الروضة من ناحية المكان، النظافة، الأسعار، التدريس، الإهتمام بصحة الطفل. ممكن تقولون ركن التعليم والطلاب أنسب لهذا الموضوع،، بس الكثير من الأمهات اللي أطفالهم صغار مايدخلون هذا الركن بإستمرار، قلت نخليه بركن الأمهات أفضل. وإن شاء الله كل أم حايرة تلاقي مكان آمن لطفلها يقضي فيه نهاره..

يعني انا الحين من البحرين ومن محافظة الشمالية ممكن أفيدكم بروضة انوار الغدير مثلا،، كانوا ومازالواأولادي وأولاد أخواني وأخواتي فيها لأن المديرة عندها إهتمام كبير بالأطفال وإتباع وسائل تربوية رائعة وأسعارها مناسبة، ماتقبل عدد كبير بالصف..
بعد سمعت عن الغدير، تتبع نفس الإسلوب...

أكيد معانا أمهات يقدرون يساعدونا بالكثير.. ننتظر مشاركاتكم

مشكورة أخيتي " نوراء " على طرح الموضوع ..

و أكيد راح تستفيد منه الامهات اللي مقبلين أطفالهم على الروضة أو الحضانة و بيصير فيه تبادل خبرات ..

نتمنى نشوووف تفاعل الأمهااات ..

بالنسبة لي طفلي للحين صغير على الروضة بس أكيد راح استفيد من الموضوع للمستقبل ..

و بالنسبة لروضة انوار الغدير ممكن تقولي لنا وين تصير و اسعارها بالضبط ؟؟

تحياتي لكِ ..

اقتباس:

المشاركة الأصلية كتبت بواسطة أم حسين (المشاركة 27061)

اني أولادي في فرع جدحفص التسجيل 10 دينار المواصلات 10 دينار رسوم الكتب 10 دينار ارسوم الشهري 33 دينار يوجد فرع في توبلي وعالي وجدعلي الا في جدحفص بعد مستشفى الدولي

اختي نوراء موضوع عن جد مفيد واكيد كل ام ولدها في سن الروضة تحاول انه تبحث ليه عن افضل الروضات

اني سمعت عن روضه الجنان اللي في مدينه حمد واااااااااااايد زينه وتدرسهم رائع والرسوم 40 دينار

بس اني سجلت بنتي بروضه الامام الحسن في دار كليب اولا المدرسه اللي بدرس بنتي تكون بنت اخت زوجي يعني ما بحاتي بنتي ههههههه وثانيا سمعت تدرسيهم ممتاز ورسومهم 38 دينار

موضوع رائع
بس بسالش روضة انوار الغدير هي نفسها روضة الغدير؟؟
لانة من كم يوم سمعت خبرية عن روضة الغدير وبصراحة تخوفت منها
تقول اختي ولد حميهااا ضاربتنه وحدة من الخدم كانت بتوديه الحمام وماادري عااد ليش ضربتة يمكن معاندها او شي
ويوم راحت الليهم الروضة يتفاهمون وياهم خشوا الخدامه عنهم
بس اني بسال الروضات يجبون خدم يساعدونهم ؟؟
اني هذا الي مستغربة منه

اقتباس:

المشاركة الأصلية كتبت بواسطة **ام عبادي القمر** (المشاركة 27996)

روضة الغدير غير عن روضة انوار الغدير

وينكم يا أمهات ما ذكرتون الينا اسماء الروضات ؟؟؟؟؟؟؟؟؟؟؟؟؟؟؟
:d69::d70:

السلام عليكم...حبيت اشارككم
اني بنتي سجلتها في النورين هذي تابعة لأنوار الغدير الكل يمدح فيها وان شاء الله خير

تسلمي عمري ع الموضوع المفيد