|
اقتباس:
أهلين و سهلين اختي ترانيم ,, حب الشنيتر وما ادراك ما حب الشنيتر ههههه المهم :) اولا و: قبل اي شيء بنتج الكبيره كان كم عمرها و الثانيه بعد كم عمرها؟؟؟,,, ثانيا: اذا حب الشنيتر بده و طلع في الجسم خلأأأأأأأأأأأأأأأص المضاد zovirax ما في منه فايده لان هذا مو مضاد للبكتيريا هذا للفايوس و الفايوس من يبدي عمله لازم علينه بس الصبر لين يخلص المرض ,, فبما ان بنتج الكبيره تقولين استفادت منه يعني كان في بآدى الامر و المرض ما تمكن منها للحين. فأذا بنتج الثانيه للحين في البدايه " نفس مراحل المرض الاولى" اذا اخذت نفسه المضاد بتستفيد منه, او اذا صار لها كم يوم ما في فايده و بس ضياع فلوس,,, اما بديل ثاني الى هذا الدواء ما في لان كل ادويه مضاده للفيوسات غاليه.. اما عن aerius هذا انتي هستامين مضاد للحكه زين تقدرين تآخذينه اليها, و هو صج غالي , و اذا تبين في وايد ادويه انتي هستامين للحكه للاطفال, و اسعارها زينه , مثل zyrtec او اي مضاد للحساسيه. اما الجرعه ع حسب عمر الطفله ايضا. و الcalamone lotion هذا وايد زين عشان يكون ملطف للبشره يبردها ويلطفها. بس غاليا اذا اخذوا الانتي هستامين ما تيهم الحكه .. و اتوقع عادي تستخدمين غسول الشعر و الجسم بس لو تعطيني اسمه اجيك لج احسن.. و الله يعطيهم العافيه ان شاء الله .... و اي سؤال ثاني حاضرين :) |
انا حبيت اسال سؤال
اختي عندها مشكلة عمرها 16 سنة بنيتها كتير ضعيفة حتى الاكل ما بتاكل كل شي لا خضار ولا فواكه او حبوب الا بكمية جدا قليلة هل يوجد فيتامين يعوض ويساعد . وشكرا على المجهود والله يعطيك العافية |
مهدــــــــــــــــــــــية
اقتباس:
أهلين مهديه ,, في دواء اسمه mosegor حبوب تأخذ حبة واحده ليلا... كل يوم لمده شهر او اكثر... بس تسبب النوم ايضا, كما انها فاتحه للشهيه... و ايضا قد تكون عندها بعض المشاكل فمن الافضل ان تعمل بعض فحوصات الدم. ايضا في بعض الاحيان لعض الديدان قد تسبب فقد الشهيه , فيمكن ان تآخذ دواء طارد للديدان من جرعه واحده اسمه zentel هي حبتين فقط تآخذهم مع بعض ليلا... و ايضا هناك شيء اخر: بعض الاحيان هناك فتيات و فتيان في هذا العمر لا يتناولون الطعام بشكل جيد, رغبة منهم او لان يعجبون باجسامهم بهذا الشكل,, من الجيد تعريفهم بأن هذا المفهوم خاطئء تدريجيا و ليس بعصبيه, و اشغالهم بأمور تجذب انتباههم اكثر الوقت,,, الصحبة الجيده و التحرك و كثرة النشاطات ايضا جيده.... اتمنى لها دوام الصحه و العافيه ,,, و اي سؤال آخر حاضرين :) |
:d48:
مشكورة خيوو على المساعدة بجيب اسم الدوا انشالله هاليومين بس اشوف الورقة والحين مستعجله بقوم اروح الجامعه بس انصدمت يوم قلتين البخاخ مو زين واجد الدكتور كاتب لي استخدمه 3 شهوووووووور هل كيف يعني:d50: هو ولدي عنده نهايه 5 موعد في عيادة الاذن والانف واكيد بيغيرونه لي او بيقولون اواصل بس خفت!!! |
اقتباس:
هلا خيو اولا و: قبل اي شيء بنتج الكبيره كان كم عمرها و الثانيه بعد كم عمرها؟؟؟,,, بنتي الكبيرة كلها جم يوم وتكمل خمس سنوات والصغيرة سنه وسبعة اشهر واليوم رابع من صادها ومسكينه كله تحك والهستامين اعطيها 2.5 ملم اوكي او ازيد الجرعة خيو بسالج متى يكون ما فيه فايده من المضاد بعد جم يوم من المرض؟؟؟؟ وبالنسبه الى الملطف مال المركز ووديته الصيدليه قالو اللي كله نفس الشيء بس الشركات غير واسمه calamine زين او لا وبالنسبه للغسول للجسم والشعر هو cyteal وخيو هل يكتسب الجسم مناعه من هدا المرض ادا اصاب الشعر ومتى يصير الجسم عنده مناعه كامله من المرض وخيو اني ما صادني هالمرض وهداني خايفه وادا صادني ياريت تكتبين لي الادويه عشان بسرعه اخدها وسؤال ثاني خيو انتي قلتي لي عن زيت البنفسج وين احصله لانه رحت كم صيدليه ما عندهم وادا ممكن اتخلين لي صورته ويعطيش الف عافية ومشكووووووووووورة خيو والله يعطيش العافيه على مساعدتنا وفي ميزان حسناتك يا رب |
اقتباس:
حاضرين ثلج و نار,,, اولا: اذا يبتين اسم الدواء الي الدكتور كتبه بتأكد الج ان نفسه وله لا,, انيا: حتى لو طلع نفس المكون, لا تعتبرين ان هذا الدواء خطر ع ولدج, اكيد الدكتور بعد ما فحص الطفل , حس ان حالته تستدعي هذا النوع من الدواء,, و اذا الدكتور قال لج لمده 3 تشهر , فلازم تواصلين عليه ,,, لان بعض الحالات تستدعي ذلك و الدكتور اخبر لان فحص المريض و شافه... فلا تتخوفين .. :) |
ترانيم
اقتباس:
اهلين اختي ترانيم الوفاء,,, اولا: قبل كل شيء كل طفل قبل سنتان من الافضل قبل اعطاءه اي دواء بالأخص المضاد, مراجعة الطبيب لان الطفل في مثل هالسن اي شيء يقدر يأثر عليه, على الرغم ان قدرتين تعطين الطفل الاكبر نفس الادويه, فأني كصيدلانيه اقول لج ان هالبنت الاصغر الي عمرها لا يتعدى السنتان هي اهم ان تأخذ الى الطبيب... مو تخويفاً ..لا ,, بل حذر من مضاعفات امكن احنا ما ندري عنها ,, لا قدر الله ,,, 1. وعلى حسب ما قلتي اذا اليوم رابع, الى اسبوع, , يقدر الطفل يأخذ المضاد و يستفيد منه. 2. الانتي هستامين اذا تستخدمين نفسه aerious syrup تحتاج حتى 2 ملم ,مره واحده يوميا, يأثر ع الطفل... 3. calamone lotion اي زين و مفيد, و صح الكلام الي قالوا لج هو نفس الشيء بس الشركات تختلف,, 4. اما غسول cyteal فانا عن نفسي ما انصح فيه بالاخص الى الشعر,, ما اشوف اليه داعي في هذه الحاله و بالاخص الى الطفل.. اما عن المناعه فان الجسم يكتسب مناعه ضد المرض منذ اول اصابه اليه, اما في حالات نادره يصاب بها الانسان مره اخرى بس يكون ع شكل اخف... و اذا ما صادج المرض: في تطعيم لهذا المرض, تقدرين تآخذينه, اتوقع متوفر في المراكز, بس الي متأكده منه ان في مستشفى الامريكي عندهم اياه قبل كان ب11 دينار بس الحين اكيد زاد سعره,, هو جرعتين الاولى تاخذينها نفس الوقت , و الثاني بعد 6 اشهر... هذا التطعيم يمنع ان يصيدج هالمرض مدى حياتج ... اما اذا ما بغيتي تآخذين التطعيم , وفي حال اصبتين بالمرض, تقدرين تبدأين بzovirax tablet, تروحين لاي صيدليه بس تطلبين من عندهم هالدواء و تقولين لهم بغيته الى حب شنيتر, بيعطونج اياه, و نفسه اي انتي هستامين مره واحد يوميا مفيد,, تقدرين تستخدمين الغسول بس ما يحبذ ع الشعر, و ايضا calamine lotion, نفس العلاج بس هذا تاخذين الدواء ع شكل حبوب.. وان شاء الله ما تحتاجين اليه.. اما عن زيت البنفسج, ما اظن تحصلينه في الصيدليات بل في اماكن الاعشاب الحواج, وله عالم الاعشاب اكيد عندهم.. ومن تقولين لهم الاسم يعرفونه.. و الله يواليكم جميع الصحه و العافيه ,, و اي سؤال اخر حاضريـــن :) |
مشكووووووووووورة خيو والله يعطيش العااافيه
بس خيو خوفتيني بهستامين يعني ياثر على الطفل مع اني رحت الصيدليه ورايتهم اياه قالو لي تقدرين تستخدمينه حق الصغيرة بس الصراحة ما قالو جم مرة باليوم واني اعطيها اياه مرتين باليوم 2.5 ملم خيو يعني ويش المضاعفات اللي ممكن اتصيد بتي خيو تكفين قولي لي والله يجعله ان شاء في ميزان حسناتك خيو جم يوم اعطيها اياه الدواء مال الحكه يعني جم يوم؟؟ واللوشن الى متى اخليه اليها جم يوم ؟؟الحين قام اشوي يبس اليها والله يوفقك يارب |
اقتباس:
حاضرين دووم ترانيم الوفاء,, لا عادي لا تخافين , والصيدليه ما قالوا لج لان ما سألتي ان شلون تستخدمينه و الى اي عمر... بس مثل ما قلت لج من 2 الى 2.5 ملم مره واحد يوميا يكفي تآخذ.. و تستخدمه ما دامت الحكه موجوده عندها.. واللوشن بعد ما دامت تحس بجفاف و حكه تقدرين تستخدينه لها.. لان هذا يعطي مفعول المبرد ع الجسم... ومن يختفي الحب و يطيح تتوقف الحكه و تقدرين تقطعين الادويه.... والله يعطيها الصحه و العافيه... و اي سؤال اخر حاضرين,, |
مشكووووووووورة خيو الله يعطيش الف عافيه
بس عندي سؤال بسيط وهو متى يكون معدي حب اللشنيتر لانه الناس عندها معلومات انه ادا يبس وبدا يروح يعدي وقت رحنا المستشفى قال الدكتور يكون معدي وقت اللي تكون الحبه فيها ماي يعني اول اربعة ايام وطبعا هو يزرع تحت الجلد ويظهر على الجلد بعد اسبوعين او عشرة ايام وانتي خيو ويش اتقولين اي واحد الصح |
| الساعة الآن 11:32 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. TranZ By
Almuhajir