منتديات نور فاطمة عليها السلام - منتدى نسائي للمرأة فقط

لما كنت في الاعدادي كانت بنت خالتي جاية بيتنا و الماما كانت حاطة القدوع لخالتي
بت خالتي كانت صغيرة يمكن في الثاني ابتدائي جدي او 3 المهم الماما و خالتي راحوا
بيت الجيران و اني و بنت خالتي قعدنا نسولف و بعدين رحنا الغرفة اللي فيها الكمبيوتر
و خليتها تستخدمه و اني رحت الحمام الله يعزكم ما طلعت الا هي مبوزة و قاعدة في
غرفتي اقول اليها شفيش تقول لي اخوش يبيني اودي القدوع كله المطبخ قلت اليه
بودي كل حين شوي لاني ماقدر اشيل الصينية كاملة مرة وحدة الا هو يقول لي
عجل قومي من على الكمبيوتر لا تستخدمينه قلت اليه اني لو اقدر اشيله كله شلته
بس هو عصب عليي و طلعت برىا بعدين قلت اليها تعالي بخليش تقعدين ع الكمبيوتر
رحت بدافع عنها الا اقول اليه مالك حق تتامر عليها جدي بس خلها تجي الماما و الخالة
بشتكي عليك و قال لي فيش خير تكلمي و فعلا لما جو قلت اليهم قدامه ماجوفه الا
حامل لي الكرسي يبي يشدخني ابه بعدين حمل لي السير و ضربني ابه و اني اصارخ
و اصيح من الألم بعدين قمت اسبه و قلت اليه انت مو اخويي انت عدوي
من هالسالفة صرت يوم بعد يوم أختلف أتغير صرت كله بروحي ماسولف
و لا اتكلم صرت هادئة جدا جدا اكثر من الاول صرت ما اتمازح و لا اتلاعب بعد
يعني تغيرت واجد حتى في المدرسة ما اصادق احد و لا اسولف ويا احد يعني كنت مكتئبة حدي
هالموقف ما انساه رغم اني احاول نسيانه اللحين صرت خجولة لدرجة اني مارفع
راسي لما يمر اخوي ما اسولف وياه و اذا ابي منه شي اكلمه بالمسن بس هو عادي وضعه
بينما اني مادري شلون اذا ابي اروح اليه لازم امثل و افكر شلون بقابل اخوي اذا رحلت له
بس اللحين الاوضاع تختلف للأفضل يعني تصير مواقف احس اني شوي شوي اتقرب اليه
ادري طولت واجد بس هذا الجواب بصراحة و بالتفصيل يلا الحمدلله ع اية حال

***

س/ أي برنامج تحبين اتابعينه في التيفي ؟