~*¤ô§ô¤*~ تجمــــــــــــع الأمهات ~*¤ô§ô¤*~

[نور فاطمة]

~*¤ô§ô¤*~ تجمــــــــــــع الأمهات ~*¤ô§ô¤*~

السلام عليكم و رحمة الله و بركاتة


نجتمع و انشوف أخر تطوارات أطفالنا

http://www.gailnoglephoto.com/images/miller-023-500x406.jpg

[دموع الزهراء]

موضوع جميل او فتح سواليف

لاكن اني مو ام هههههه توني بنية هههه

يلا باتوفيق

[احلى ولاء]

مرحبااااااااااااااااا شخباااااااااااااااااااركم

شخبارش ام فاطمة ومبروك المنتدى

[نور فاطمة]

شخبارش دموع الزهراء

ان شاء الله الموضوع اذا صار فية اقبال بنفتح ديوانية للبنات

شخبارش أحلى ولاء

و شخبار ولاء؟

الله يبارك في حياتش أختي

اهم شيء يعجبكم mile355

[أم تاامي]

هلا اخواتي الطيبات

وانا وياكم ان شاء الله اذا خلت لي فطوم وقت هههه\21_133

عندي بنت وحده عمرها سنة واربع شهور

وشخباركم انتو بعد عرفونا؟؟

:
:

ام اتااامي .. تحياتي

[نور فاطمة]

أهلين أم تاامي

شخبارش خيو

حياش الله بيننا

الله يخلي اليكم فطوم و تشوفينها عروسة

و أن شاء الله دائما أنشوفش ile312

[om hasan]

سلام عليكم شخباركم يا امهات mile355
اني بعدي ما صرت ام بس حبيت اسلم عليكم ile329 وادعو لى بالحمل السليم يارب

[أم فاتي زيزي]

سلاام عليكم

اولاا مبروك عليكم فتح المنتدى الجديد والله يجعله فاتحة خير عليكم

ومشكورة ام فاطمة على الدعوى لانه عجزت وانا احاول ادخل في ذاك المنتدى دايما يطلع لي انه تسجيل خاطئ

وانشاء الله نشوف اقبال من الجميع على المنتدى ومائشاء الله روعة المنتدى

كاني وايد هريت

المهم انا ام لبنتين مطفرين خخخ فطوم وزنوب عمرهم سنة واربعة شهوور والبقية تاتي

[نور فاطمة]

سلام عليكم أختي أم حسن

شخبارش ؟

الله يتمم حملش بالخير و يعطيش الصحة و العافية

و حياش الله بيننا mile355

[نور فاطمة]

عليكم السلام أختي أم فاتي زيزي

الله يبارك في حياتش ,آمين يا رب أن شاء الله يكون فاتحة خير علينا

و عن ذاك المنتدى ما ادري ليش يطلع اليش الدخول خاطىء :confused:

شخبارش و شخبار فطوم و زنوب أن شاء الله بخير

الله يخليهم أليكم و تشوفينهم عرايس

و أن شاء الله أنشوف أقبال من الجميع

[ثلج ونار]

mile355

مبروك المنتدى الجديد
وشكرا ام فطوم على مجهودش
وتحياتي للجميع هني

وعندي عبادي عمره سنة و4 شهور بالضبط اليوم
الله يخلي للجميع اطفالهم ويعطي كل الي ماعنده

[نور فاطمة]

الله يبارك في حياتش أختي ثلج و نار

الله يخلي عبادي اليكم و تشوفينة معرس

و حياش الله بينناmile355

[انوثه ملكة الليل]

سلااااااااااااااااام


شخباررررررررركم

مبروك على افتتاح التجمع الجديد

وماشاء الله المنتدى روووووعه


ان شا ءالله بقية الامهات يجون اهني!!

[نور فاطمة]

عليكم السلام أختي انوثه ملكة الليل

و الله يبارك في حياتش أختي

شخبارش و شخبار قاسم؟

أن شاء الله بخير

[احلى ولاء]

مرحباااااااااا اخوات شخباركم وشخبار اولادكم

[احلى ولاء]

متباركين بعيد الغدير

[om hasan]

سلام عليكم أختي أم حسن

شخبارش ؟

الله يتمم حملش بالخير و يعطيش الصحة و العافية

و حياش الله بيننا mile355
شكرا اختي بس اني مو حامل ادعو لي ile342

[نور فاطمة]

شخبارش أحلى ولاء؟

أني الحمد لله بخير و أنتون بعد متباركين بالمولد

شخبارش ام حسن

مسامحة أختي ما فهمتش عدل ile342

الله يرزقش و اجين اهني اتقولين الينة سوالف الكتكوت

[om hasan]

ان شاء الله ببركة دعائكم mile355

[الحوراء الأنسية]

السلام عليكم
شخباركم
أني توني جاية هالمنتدى لأني راجعة من الحج جديدة اللاي الحج الله يعطي كل اللي ما راحوا المهم أني عيون ريمي عندي حمود في صف أول ابتدائي وعندي فطوم سنة ونص وعلى قولة فاتي البقية تأتي
أنوثة ملكة الليل انتين مايونيزة ؟؟؟؟

وما شاء الله الجهود على المنتدى واضحة الله يوفقكم وان شاء الله نقدر نثري المنتدى وياكم
الله يعطيش العافية غروب

[نور فاطمة]

عليكم السلام أختي عيون ريمي

و الحمد لله على السلامة والله يتقبل, أن شاء الله ما نسيتينا من الدعاءile312

و الله يخلي حمود و فطوم اليكم و يبلغش فيهم

و الله يعافيش أختي ,يبين الى حد الحين تذكرون نيك نيمي الاولي ile312

[أم فاتي زيزي]

السلام عليكم من جديد نعود

عيون تقبل الله اعمالكم وحج مبرور

ام فاطمة : اخر تطورات بناتي انه ماشء الله لاا اله الا الله صاروا يسئلون عني في غيابي يعني فطوم تلعب وتروح الى امي تقول لها أين ماماااا ؟؟؟؟؟؟ على عمري وتقول جه بابا اذا وصل ابوها بالسلامة وبعد ردوا يحبون الظاهر اشتاقوا للحباي يضحكوني عدل وزنوب زايدة جمبزتها علينا اقول الى فطوم لا تمصين صبعتينيش يع تقوم زنوب وهي تمص وتضحك عاد اني بعد قول لي لا تحطين خخخخ\21_133

[أم فاتي زيزي]

ile342 يؤؤ مافي احد واني مشتغلة في الهرار خخخخخ

[نور فاطمة]

أم فاتي زيزي

مبروووك الاشراف

و الله يخليهم فطوم و زنوب حلوة حركاتهم \21_133

[أم فاتي زيزي]

mile355 مشكورة خيوو ام فاطمة على المنصب وانشاء الله اكون قد المسؤلية

[نور فاطمة]

الله يوفقش أختي ile334

[أم فاتي زيزي]

وربي يخلي ليش فطووووم خخخ حركاتهم حلوة بس تدوخ le325

[الحوراء الأنسية]

توني منتبهة فاتي أنش مشرفة ما نقدر يعني الحين أني ويا مديرة ومشرفة ما لنا والدخول بين السلاطين هههههههههههه

فطوم بعد لغوية درجة أولي من يجي ابوها تقول دي دي دي دي بابا يعني جيجي البابا
وفي قومتها وقعدتها تقول يا علي
وتقريباً تقدر تعبر عن واجد اشياء تبغيها كله تحمل ورقة وقلم وتقول تاء سرير حمود وفراشه وزوليته كلهم مخربشين من هالتاء
ومن تسمع دعاء الفرج توقف وتحط ايدها على راسها الدليعة الله يحرسها

[أم فاتي زيزي]

انشاء الله نشوف اقبال على الشات هني يباله اعلان عدل

[أم فاتي زيزي]

الللهم صلي على محمد وال محمد تجنن حركاتها الدليعة فطوم الله يحرسها من العين

اني فطوم بعد موووتها الخربشات تخيلي ليلة الي بتنا في شقتنا شالة البنسل وتبي تكتب على الطوف اشووه انه انتبهت لهاا تحب ترسم وتخربش على الاوراق واذا ملت من الاوراق راحت تخربش على سبورتها الثانية الا هي زنوب ذاك اليوم مقعدة اختها وترسم في ايدها اقول الظاهر بتطلعين حناية خخخخخخ

[أم فاتي زيزي]

عيون ماااشوف انش موجودة لو اني حووولت _thin1

[الحوراء الأنسية]

أم فاطمة أني بالذات ما أنساه من جيتين ليي المستشفى حتى زوجي بين فترة وفترة يسألني شخبار اللي اسمها غروب؟
والله يتقبل منا ومنكم

[نور فاطمة]

عيون

حلوة حركات فطوم الله يخليها اليكم

لازم كل يوم يطلعون بحركات جديدة \21_133

[نور فاطمة]

الذين يشاهدون محتوى الموضوع الآن : 3 ( الأعضاء 3 والزوار 0) ‏ (http://www.noorfatema.com/vb/member.php?u=5), ‏ (http://www.noorfatema.com/vb/member.php?u=28), ‏ (http://www.noorfatema.com/vb/member.php?u=46)

[أم فاتي زيزي]

برب للريوق

[الحوراء الأنسية]

فاتي ابغي ريوق جوعانة
أني اشوف بس أني موجودة ما حد ويايي
يالله فاتي عليش الدعاية للشات

[نور فاطمة]

تيت

اني بعد بقوم انام

كل يوم سهر الى الصبح

فطوم توها نايمة كل ليلة ما اتنام الا الصبح

[الحوراء الأنسية]

مللني اسوي في الخيارات انه ما يطرش ليي بلبريد عن الردود وبعده ملوع جبدي

[الحوراء الأنسية]

تصبحين على خير أم فطوم

[نور فاطمة]

اني اشوفكم متواجدين

و ان شاء الله في محرم بيكون اقبال اكثر على المنتدى لانة ان شاء الله بيكون تغطيات أعلامية

[نور فاطمة]

بشوفة اليش الحين عيون ريمي

[نور فاطمة]

مكتوب عندش بدون اشتراك

اتريدين اتغيرينة؟؟؟

[الحوراء الأنسية]

إي عجبني التركيز على محرم في هالفترة
الله يوفقكم

[الحوراء الأنسية]

خيوه أبغي ما يطرش على الإيميل عن كل رد
سويته بدون تبليغ وبعد قام يطرش ليي

[ريحانة الرسول]

سلاااااااااام شحوالكم اني ضيفة جديدة ويا ريت اكون خفيفة عليكم وترحبون فيني

[ريحانة الرسول]

خيو عيون ريمي ليش هربتين من فداء الحسين

[الحوراء الأنسية]

حياش الله خيوه ترانيم كنه شايفة هالإسم من قبل

[الحوراء الأنسية]

لأن هناك الصفحة تاخد ساعة
وأني من الصبح اشتركت في هالمنتدى ويوم تصفحته عجبني واجد تطور عن قبل من حيث المضمون قبل الشكل وما شاء الله أم فاطمة مي موقفة من المواضيع الجديدة وكلها هادفة وجميلة الله يوفقها

[الحوراء الأنسية]

بس ما بهرب منه خير شر هني وهناك يعني

[نور فاطمة]

شخبارش ترانيم الوفا حياش الله بينا

عيون ريمي

اني خالية الية بدون اشتراك ما يجيني رسائل و خياراتش بدون اشتراك ما ادري

جربي خلي خيارات ثانية

[ريحانة الرسول]

والمنتدى شكله اسرع اهنيile329

[ريحانة الرسول]

هلا خيو ام فاطمة شخبارج يالله عرفوني بروحكم الحين
انا ام لطفلتين فطمة وحورا الله يحفظهم وساكنة بسار
وانتون يا خوات جا الدور عليكمle315

[ريحانة الرسول]

شكله عجيب المنتدى ما بحسده الصلاة على النبي

[ريحانة الرسول]

رفرش لين سويته يشير ليش يا ام فاطمة

[ريحانة الرسول]

شكله اتكلم بروحي مثل منتدى فداء الحسين لا حس ولا خبر لا حياة لمن تناديle325

[ريحانة الرسول]

يا ربي يا رحمان

[ريحانة الرسول]

ile342ile324ile334

[نور فاطمة]

ترانيم الوفا

الله يحفظهم و يبلغش فيهم

كم اعمارهم؟

اني عندي فطوم عمرها سنة و نص

[الحوراء الأنسية]

المواضيع كلش هادفة
وحسيت إن التخطيط والتطوير صاير على قدم وساق

[الحوراء الأنسية]

أم فاطمة مارحتين نمتين بتقعد ليش فطوم ولا بتخليش تنامين

[نور فاطمة]

بروح انام الحين

ان شاء الله اشوفكم بعدين

[الحوراء الأنسية]

على خير

[الحوراء الأنسية]

فاتي زيزي ما صار ريوق جاب ليي زوجي سمبوسة وأكلت ورديت جعت وانتين ما رجعتين خبرينا ويش هالوليمة

[أم فاتي زيزي]

صح المنتدى متعوب عليه وشكله اغلبه كله مجهودش ام فاطمة وانا وايد تعجبني المواضيع الي تنزلينها في هني
صح اني خبرت البنات من اول ماشتركنا في فداء انه في اي وقت تنتهي صلاحية المنتدى المجاني ونتشتت من جديد بس بعد هذاك لمنااا من بعد شتات عروس

[أم فاتي زيزي]

عيون لا وليمة ولا شي اصلا لاعت جبدي مسكينة الي وياي سوت سندويشات جبن وطماط مع الخيار في التوست بعد واني جتني في نفس الوقت وحسيت كلش مب طايقة اكل بس بعد الجوع خلاني غصب عني اكل

وبالعافية عليش السمبوسة يمي امس مع العشى شرينا سمبوسة قروضانها خخخ قبل العشى لذيذة سمبوسة صدد

[أم فاتي زيزي]

هلا ترانيم شخبارش وليش منقطعة عنا هالمدة

نبي اثبات غياب لاا نطرش ليش انذار \21_133

[أم فاتي زيزي]

عيون مااقلتي لي وصلك المسج الي طرشته ليش لانه مااقدرت اسلم عليش اخر يوم كان وايد لوود علي في الشغل ولا قدرت افتح النت بالمرة

[الحوراء الأنسية]

لا ما وصلني بس من عند قفشة ونمبر وصلني

[cute mother]

قوة

شخباركم؟

وحشتووني

المهم مثل ما تعرفون عندي نوراء 4 سنوات و4 شهور
وزهير ابو الزوز مطفرني صاير شيطاان وعمره سنة و4 شهور

شكرا ام فاطمة

[نور فاطمة]

الله يقويش أختي

اهنة الحمد لله بخير

الله يخليهم و يبلغش فيهم

و زهير تقريبا من قد فطوم mile355

[الحوراء الأنسية]

السلام عليكم صباح الخير ياحلوين وأمهات الحلوين
شلونكم وشلون فيرانكم

[أم فاتي زيزي]

اهلين ام زهير توه مانور التجمع شخباارش خيوو

عيون صباح الخيرات والليرات

يو صدق عيون ماااوصلش المسج بس عندي انه تطرش يووو فشلة يمكن كتبت الرقم خطااا في نفس يوم الي مشيتون طرشت ليش الرقم ماسيفته طبعااا قلت لازم استائذن منش اووول

[أم فاتي زيزي]

عيون طويراتي امس جنوني تدرين المحروسة مشرفة وحالتي بالووويل من رحت البيت ادور سبيل انه بس تغمض عيني مافي امل من بعد انه خلاص قمت وياست كلهم نااموا انقهرت ورحت احوس في النت وشفت السالفة الي صايرة عندنا وزاد قهري بعد

وتصدقين امس قلت على الاقل انام من وقت تخيلي لين الساعة وحدة ونص ووانا اراكض وراهم عشان ينامون هي بعد مطلعينيهم على الساعة عشر في الليل وديناهم بيت عمي عشان شوي يدوخون في الرجعة لكن محاولاتنا باااءت بالفشل

[الحوراء الأنسية]

خيو شوفوا للمنتدى حل مو راضي يبند الرسائل مالت الردود كل رد يطرش ليي مسج على الإيميل خليته بدون تبليغ وخليته بدون اشتراك ما فاد
وأني أمس رجعت غلا يقول زوجي بنطلع نتغدى بره قال ليي وين بتروحون قلت ليه بنروح كونتري مول لأن حمود يستانس على سفينة مطعم مؤمنورحنا وتغدينا ورجعنا الساعة 3.30 نمت شوي يقولون نمت مع إن حمود ما خلاني بس تدرين في الشتا كله أبغي أنام والبارحة نمت من وقت ولا أقعد لصلاة ولا شي وبعد بالعزيز عليي قمت من السرير يبى ليي حل صايرة مفوطرةعلى قولة النسوان

[الحوراء الأنسية]

يمكن المغرب نيمتينهم واجد أني فطوم من تقعد الصبح خب تقعد من وقت لين بتتأخر 8.30 أو 9 أنيمها رجعتي 2أو 3 وأخليها ساعة بالكثير وأقعدها وفي الليل ما أعطيها فرصة تلعب وقت النوم أقعد وياها حتى لو تصيح ساعات أني أجبي وهي قاعدة بس ما أقوم عنها إلا لين نامت

[أم فاتي زيزي]

ام فطوم اني بناتي الصببح يقعدون اغلب شي 11 لانه ينامون متاخرين مع انه ماينامون غير العصر ساعة وحدة واقعدهم بالكثير ساعتين بس هم من تجي الليل ييستخفون ماادري انه مايشوفونا اني وابوهم من جذي يبون يطولون عشان يقعدون معانااا

ومااخليهم على كيفهم ايام وايد كنت انيمهم على 11 وشي بس لما يتتغير تيم نومتهم كل شي يتخربط لانه اني كنت انيمهم على الساعة اربع الحين اوصل الساعة خمس الا شي وضيع الوقت مااانومهم الا خمس وشي ساعات من جذي مايرضون ينامون الليل من وقت

[أم فاتي زيزي]

ويلي صدق تعبتني امس بس اليوم اشوف اهون الحمد لله

[أم فاتي زيزي]

برب للشغل سيو افتر

[الحوراء الأنسية]

أني تصدقون مو كنت مغتسلة قبل لا أروح الحج بيومين وكنت مصرة إني ما أشرب حبوب والناس يخوفوني يقولون ليي من التعب يمكن تنزل عليش استحاضة وتتغربيلن وتصدقين لأني توكلت على رب العالمين داك الشهر بدون تعب حج ولا شي مقدمتني أربعة أيام وهالشهر قدمتني يوم واحد بس

[أم حمود]

أم فطوم وزنوب وعيون ريمي يالمجرمين مخليني بروحي وانتون هني تسولفون

ما احاجيكم

[أم حمود]

أم فطوم وزنوب أني بعد وياش أمس واجد هلكتني ما أدريها منها أو بعد من القعدة البطالية في السلمانية

[الحوراء الأنسية]

يو رقوم جيتين زين سويتين
أني ليلة الجمعة أو يوم الجمعة بغتسل

[الحوراء الأنسية]

فاتي زيزي إدا ماجيتين بنسحب منش الإشراف بسرعة تعالي

[أم حمود]

المنتدى سريع استانست عليه

[الحوراء الأنسية]

إي خيو لأنه مدفوع وافتري على المواضيع بتشوفين عنواينها حلوة ومحتوياتها هادفة
الله يوفقهم ان شاء الله

[الحوراء الأنسية]

بس مأدني مو راضي يشيل عني خاصية التبليغ عن الردود بالبريد الإلكتروني سويته بدون تبليغ وسويته بدون اشتراك وكله يطرش ليي

[أم حمود]

يو أني ما جيكت الأيميل لا يكون انشحن ليي عجل بفتحه بشوفه

[أم حمود]

يو عندي نفس الشيء بقعد أعسعس يمكن أحصل حل

[أم حمود]

الغيت الاشتراك في هذا الموضوع وعدلت في الخيارات بحيث انه ما اتبلغ بأي جديد ع الايميل بنشوف ألحين صار أو لا

[الحوراء الأنسية]

شوفي ألحين طرش لو لا
أم فاطمة أمس قالت أنها ما يطرش ليها مع إني مسوية نفسها ما أدري حقوي يعاندني الدليع

[الحوراء الأنسية]

بفتر شوي في المنتدى وبجي

[أم حمود]

عيون صار عندي أوكي لحظة بقولش ويش سويت

[أم حمود]

من لوحة التحكم ألغيت الاشتراك في المواضيع المشترك بها ، وبعدين من تعديل الخيارات حطيت في عرض الإشتراك الإفتراضي للمواضيع: بدون اشتراك

وخلاص

[الحوراء الأنسية]

سويت يختي بس برد بسوي وبشوف مجنني النحيس

[الحوراء الأنسية]

أداني رديت سويت وبشوف ويش آخرتها وياه

[الحوراء الأنسية]

شاركي رقوم بشوف

[الحوراء الأنسية]

يو وين رحتون أكيد انهال عليكم الشغل

[الحوراء الأنسية]

يالله مع السلامة تمللت وبشوف ليي شغلة بسويها

[أم حمود]

ما ادري من وين هل الشغل توني محصلة فرصة اطل عليكم بكمل اللي بقى سريع سريع وبرجع

[نور فاطمة]

صباح الخير

شحوالكم؟

[نور فاطمة]

عيون صار عندش الخيارات عدل؟

[نور فاطمة]

بغيت أخبركم بخلي باسورد على التجمع و اي وحدة تريد تدخل التجمع تطلب الباسورد

لانة في سوالف ما تنقال

و المنتدى في الرجال

الباسورد بطرشة اليكم في الرسائل الخاصة

[أم حمود]

أم فاطمة كنت بقترح هذا واقترح بعد إذا أمكن إن تكون هناك شروط للمشاركة في التجمع عشان ما يدخل فيه مثلا رجال متخفين أو ما شابه

[نور فاطمة]

مثل اي شروط؟

[الحوراء الأنسية]

أوه قفوشة هني
أهلاً وسهلاً بيها عين النبي تحميها

[توت]

صبــــــــــــــــــــــــــــــــــــــــــاح الخير طبيت عليكم

[توت]

اني جيت اصبح عليكم عيون ريمي شحوالش خيتو بس بقوم لانه عبارتن اليوم عندنا ضيوف على الغدى مافي وقت اقعد الااكم على خير بتوحشوني ....................

[الحوراء الأنسية]

أم فاطمة
ما أدري غدا سمعتين عن قصة معامير الحب دخلت في عروس وطلع انها تعرف غداري وسودت معيشتها قامت تذيع معلومات بيت عمها وتعايرهم وتتكلم عن علاقاتها بعائلتها ونكدت عليها وحتى يوم رحنا منتدى فداء الحسين قعدت تلاحقها وتهددها وتقول ليها وراش وأدري بتحركاتش ومن يومها غداري ابتعدت عن المنتديات خير شر
وته أمس مكتشفين أنه وحدة منتحلة دور صديقتها وتتكلم ويانا وهو كله شلخ وهديك البنية الفقيرة ما تدري وحتى صور ولادها حطتهم على أنهم ولادها وطلعت أسرار علاقتها ويا بيت عمها
فياريت يصير تدقيق قبل لا ينعطى الباسوورد حق اي أحد، سامحينا خيوه بس لأن ما نبغي ناس مريضين يضايقون أحد ولأن نحب لين تجمعنا في تجمع يكون مصدر ارتياح لكل وحدة ما يكون سبب في ازعاجها وإن شاء الله يكون هالشي متوفر في هالتجمع الجديد الله يجعله مبروك

[الحوراء الأنسية]

هالله وجيبي ليي شوي

[أم حمود]

هلا أم السادة شخبارش

إن شاء الله يلتمون بقية الأحباب ... صراحة أحب ذاك المنتدى واجد ولمنا وحضنا بس ما أدري ليش مو قادرة أشارك فيه عدل من السوالف اللي صارت صرت أتخوف وخايفة أصير وسواسية وأقعد أشك في البنات من بعد اللي صار

[الحوراء الأنسية]

الظاهر عقل ما قام يطرش ليي

[الحوراء الأنسية]

أني بعد أحبه بس البطء بعد احنا من غير شي سيرفر الشغل علة ويصير بدل البطء بطءين ما ألحق علىالمشاركة إلا هي بصقت والناس طلعت

[الحوراء الأنسية]

منهي أم حسن إن شاء الله نور الايات واحشتني ما التقي وياها صارت الدليعة من زام آخر الليل ما تبغينا

[om hasan]

سلام عليكم شخباركم ممكن اسولف معاكم

[نور فاطمة]

شخبارش أم حسين أن شاء الله بخير؟ و حياش الله ويانة

عيون ريمي

اول مرة اسمع بالقصة

الله يكفينا شرهم و عن الباسورد أن شاء الله اللي تطلب واحس اني واثقة منها و كانت وياكم في التجمع بعطيها

و اي شفت و شفتون عن وحدة ما عجبتكم قولي الية

[نور فاطمة]

شخبارش أم حسن ؟

أهنة الحمد لله بخير حياش ويانة

[نور فاطمة]

أم حمود

ما عرفتش بالضبط من؟أنتين أم أحلى حمود او أم حمود و برور؟

[نور فاطمة]

يبين كلكم أنخشيتون من البرد محد راضي يرد

[أم حمود]

أم فاطمة

أني نمبر على قولة أم أحمد بس قلت أغير اللوك شوي وأشيل الرقم خخخ

[أم حمود]

أم حسن من ؟؟

استغفر الله جاني وسواس من بعد معامير كانت أم حسن بعد لا ؟؟؟

[نور فاطمة]

ههههههههه

ضحكتيني أم حمود

امس طرشت اليش رسالة و اني كنتين مسجلة ههههه

[أم حمود]

عروس صاروا ما يلاعبون شكلهم مخلين أعضاء في البلاك لست وعلى أقل شيء يعاقبونهم !!! ما أدري ويش عندهم ويانا احنا بالتحديد رغم أن في أقسام ثانية يقولون يا علي ويذكرون المناسبات عادي

[نور فاطمة]

أم حسن

من البنات الجدد في المنتدى

[أم حمود]

أي أم فاطمة اليوم شفتها وضحكت أني سجلت في القبلي مباشرة بعد بس ما كان يرضى يفتح لي التجمع !!! وسجلت هني من حطت أم فطوم وزنوب الوصلة

[الحوراء الأنسية]

يو صدق معامير الحب كانت ام حسن كانت تدخل بأكثر من اسم
والله يأم فاكمة الكل تأثر من هالقصة نغصت على البنية معيشتها وحتى لين حقرتها وما ردت عليها تطرش ليها رسايل على الخاص والبنية عافت الأولي والتالي تبغي تشتري راحة بالها والله ليها فجة مسكينة
ومشكورة ما تقصرين الله يوفقش وتحققين أهدافش من هالمنتدى
أم حمود هي رقم

[نور فاطمة]

مشكورة أم حمود فيش الخير

[الحوراء الأنسية]

أني عجبني الثيم مال هالمنتدى وعجبني ارتباطه بالإسم

[نور فاطمة]

القصة شيلوها من بالكوم و ان شاء الله ما يصير هذا الشي

و اي شي فرضنا صار ما في الا الطرد

[الحوراء الأنسية]

أني قريت الرسالة في الإيميل ودخلت وسيدة أعجبت به وحتى القديم كنت أدخل التجمع واسلم وما ألاقي أحد وأطلع
تصدقين لو عندي وقت وأحس بعطيه حقه كان صرت مشرفة بس الله يوفق المشرفين اللي فيه

[ريحانة الرسول]

شحوااااااااااااااااااااااااااااااالكم الحين بادن مو وقت كلام اشوفكم مرة ثانية لاني بقوم اصلي وبعدين عرفوني بنفسكم وبعرفكم على روحي بعد

[الحوراء الأنسية]

بنات أني ابغي أبتدي أعلم بتي على الحمام خصوصاً انها أحسها تفهم وتقدر تعبر عن اللي بغيه وساعات تبين عليها علامات لين بتوسخ تكرمون وحتى زوجي يشجعني بس حازبة للسالفة وخصوصاً إني اشتغل والصبح بتكون عند عمتي وهي ما بتقدر تتابعها وما أدري ويش اسوي
أني لين في البيت ما عليه بتابعها وكل نص ساعة أو ساعة بوديها لكن الصبح وإجازة ما بقدر آخد لأني توني ماخدة وهي علا عمري واجد يصيدها حرار يعني قطاع الحفاظة أحسن ليها

[نور فاطمة]

يلا عيون شدي حيلش في قسم معين و اوعدش بتكونين مشرفتة

[الحوراء الأنسية]

أني من قبل يقهروني بس كنت قاعدة عشان سواد عيون الشلة ومن حصلنا لينا مكان ما أطبه

[ريحانة الرسول]

عروس منتدى صاير كوكتيل فيه من كل الاجناس
فراشة فيه تجمع بحرينيات شيعه لكن بعضهم اثقال دم

[نور فاطمة]

ترانيم الوفا احنة الحمد لله بخير و نسألكم الدعاء

عيون ريمي أني بعد حازبة من هذي المسئلة و مو عارفة اشلون ابدي وياها

[ريحانة الرسول]

البنات اللي في فداء الحسين وااجد حليوين مع اني ما شفت ولا وحده منهم
وهدا المنتدى بصدر حكمي بعدين عليه ههههههههههههه صرنا في محاكم خخخخ

[om hasan]

شكرا لكم اعرفكم بنفسي
ام حسن من المنامة
بس ما عندي اولاد الى الحين
بس حبيبت اسوالف ادعوالي

[الحوراء الأنسية]

يو يأم فطوم من وينه أني إدارتي للوقت ويا كل هالضغوط اللي عليي زييييييييررررررررررررروووووو مع إن ساعات يكون خاطري اتنقل في المواضيع وارد عليها كلها وأحط مواضيع بس ما في فجة من راح حمود المدرسة بعد زاد اللود ومن كبرت فطوم وعفستها صايرة الشقة ما تنظف حتى زايدة فكرة الخدامة على بالي بس ما ني طايقة أجيب ليي ناس يقعدون على قلبي وغير مشاكلهم وبس هداني أنظف واعجز ، الله يهديني وأضبطفن إدارة الوقتلأني كلش مو منظمة

[أم حمود]

أني الفراشة أول منتدى كنت أشارك فيه من سنين بعدين سيطرت على التجمعات البحرينية أسماء معينة ومو كلهم ارتاح ليهم بصراحة فما قمت أدخل موليه وصار لي شهور عنه

عروس للحين أدخله لأني بصراحة واجد استفيد من قسم التربية فيه حيوي الصراحة بس إن شاء الله بيكون هالقسم في هالمنتدى وبقية المنتديات الشيعية أقوى وأفضل إذا الكل سعى لهذا وبيصيرون هم يدورونا مو العكس

..........

عيون أني بعد صار لي فترة أفكر في هالسالفة بس قررت أبدأ في الصيف أحسها صعبة عليه في الشتا حرام احنا الصراحة نتعاير ندخل الحمام

[الحوراء الأنسية]

يالله أم فاطمة خلينا نتعازم ونسوي لينا برنامج ونمشي عليه

[ريحانة الرسول]

بقوم اصلي اشوفكم على خير

[om hasan]

شكرا لكم اعرفكم بنفسي
ام حسن من المنامة
بس ما عندي اولاد الى الحين
بس حبيبت اسوالف ادعوالي

[الحوراء الأنسية]

عجل خلونا نأجلها للصيف ونسوي لينا قروب جدي نتشجع أكثر
وعن المنتديات
هوفعلاً عروس كنا نستفيد منه واجد لأنه ما كنا نجتمع في منتديات شيعية وترى واجد من المواضيع الحيوية اللي تنحط والنشاط اللي كان في ركن التربية من العضوات الشيعيات وحتى هم اللي ياخدون العضو المتميز أمثال أنثى وربيعية وبلوسوم وإن شاء الله نسخر جهودنا في منتديات تمثلنا
وان شاء الله يترانيم إن البنات اللي في هالمنتدى بيعجبونش لأن أم فاكمة نعرفها من قبل والطيور على أشكالها تقع

[الحوراء الأنسية]

أم حسن حياش الله بينا والله يوفقش وينولش مرادش يا كريم

[أم حمود]

عيون ريمي يبيلنا كلنا إلا عندنا هالمشكلة انسوي موضوع مفتوح في المنتدى ونحط التجارب عشان نشجع بعض ونتحمس لبعض وبنستحي لأن ع العام وبتتحسن الامور إن شاء الله

قلت لش أن صار لي فترة اطبخ غذانا بالليل وبعد ما نرد اسخنه احس احسن من المطاعم ولحد الحين كل شيء اوكي بس إن شاء الله اواصل عاد

كسر خاطري أبو حمود لما شفته اشلون فرح أول يوم واكل بنفس مفتوحة قبل مرات اطبخ بس عاد متى نتغذى 3 ونص اربع !!! وفي النص نخربط على ما يجهز فعلى ما يجهز تكون نفسنا انسدت وحتى العشى ما نتعشى عدل لأن متغذين متأخر

[نور فاطمة]

الله يرزقش أم حسن

و اني بعد من المنامة

[om hasan]

الظاهر ما تبوني معاكم ما اشوف احد رد علي ile321

[om hasan]

شكرا لكم جميعا
ام فاطمة من وين في المنامه
اني من صوب ماتم القصاب تعرفينه
وبيت ابوي من المخارقة

[أم حمود]

أم حسن الله يرزقش إن شاء الله ونعيش معاش فترة حملش وولادتش في المنتدى هني

[نور فاطمة]

أن شاء تضبطين وقتش و اتكونين من المشرفات

و اني بعد موملحقة راس ويا المنتدى

[نور فاطمة]

أم حسن اني بعد من المخارقة

[om hasan]

أم حسن الله يرزقش إن شاء الله ونعيش معاش فترة حملش وولادتش في المنتدى هني


ان شاء الله يارب ببركة دعائكم mile355

[نور فاطمة]

عيون أحسهم اولادنة كبروا لازم نبتدي وياهم ما يصير من الحين نبتدي

على الرغم صعب

بس كل وحدة اتشجع الثانية

[الحوراء الأنسية]

رقوم أني يوم كنت تريننغ وحمود صغير كنت أطبخ في الليل بس كانت مساغلي أقل
ألحين من أرجع ما يعوق الوقت على ما آخد الجهال واروح البيت ونتغدى الجاهز الممل وأبدي شوي في واجبات حمود وبعدين يروح الكراتييه وأنيم فطوم وابدى على غسال ثياب وتنشير وتنظيف في هالصالة وحجرة حمود اللي من قعدتهم فيها ماتنظف جت الليل يرجع حمود ولين بقى من واجباته شي اسويهم واراجع وياه وأعشيه واسبحه وأنيمه غير أنه الحاجة اللي تستوي في ساعن تاخد ساعتين من تعفيس فطوم وكل حين اهد الحوايج واروح ليها وابو أحمد يحب إدا هو قاعد في البيت أنه نطلع ندور ويا بعض كلنا
بس هو سمع عن وحدة تجي بالساعة لبيت عمه يوم وترك يوقل ليه يمكن ناخده كم يوم تجيكينها وإدا عجبتش بناخده عشان تسوي التنظيفات عنش وانتين تطبخين لأن الطباخ وراه مواعين بعد وللحين ما عطيته الموافقة على هالسالفة
وأني أبو احمد موته لين أطبخ أني في البيت حتى يستحمق عليي لين قلت طباخ فلانة احلى من طباخي
لو انتين صوبي رقوم كان جبنا لينا خدامة نص اليوم في بيتكم والنص الثاني في بيتنا كللابد شققنا صغير عن بيت واحد

[om hasan]

أم حسن اني بعد من المخارقة


اني بيت ابوي صوب ماتم المخارقة (ماتم حسن محمود)

[أم حمود]

أم فاطمة أني بعد خاطري أبدأ معاكم بس بصراحة حالياً شايله الفكرة من بالي أحس صعبة أبدأ اعلمه في الشتا وغالباً من البرد حتى لو أتعلم مرات ما بيدخل الحمام فبيضيع تعبي ... أني أفكر ع نص ثنين أول ما يدفأ الجو خلاص أبدي أعلمه

[الحوراء الأنسية]

أني زوجي يحن على إني ابتدي من ألحين خصوصاً لو نطرت للصيف بتكون كملت السنتين تقريباً واني اصلاً من يكبر الجاهل استكره سالفة تنظيف الحفاظة تلوع جبدي والجاهل بعد لين فهم على الحفاظة واجد يصير تراكه اياها أصعب وولادنا يفهمون زين

[أم حمود]

أم أحمد تصدقين كلا تجي في خاطري سالفة الشغالة المشتركة أقول صراحة لازمنا بس حرام على شقة وأصلا وين بتقعد أقول يبيلي أناصف أحد في الشغالة !!!!

[الحوراء الأنسية]

إدا نص 2 يمكن بس هل بيكون الجودفى داك الوقت ؟؟

[الحوراء الأنسية]

إي احن شققنا قوطي وبنجيب لينا ناس تشاركنا فيها خصوصاً أني حمام واحد في شقتنا يعني بتشاركنا فيه بعد والنومة يعني لازم أنيمها في المجلس أو ويا حمود وكلا الحالتين مو عاجبيني من جدي على قولتنا حاطة على جبدي طينة وعجينة ومستحملة هالوضع ولا إن أجيب وحدة بتشتغل ساعتين ثلاث وتالي بتقابلني وبقابلها

[أم حمود]

أني بعد أحس حمود كبر عليها وهو بعد ما يشتيهيها أصلا وأحسه يستحي لما نجي نبدله ... عن جد احسه مفتشل ويتشرد يقول بعدين بعدين ووقت ما أطهره ما يرضى يآخذ هو قلاصه اللي فيه فرشاته يقطها ويشحنه ماي ويطهر روحه بروحه ويستحمق عليي وأني أغسله !!!

[الحوراء الأنسية]

ويش نتفق على إن نبدي نص 2 أو بداية 3
خلنا نتفق ونحط الخطة من ألحين

[نور فاطمة]

احسة متاخر بعد 3 شهور

[الحوراء الأنسية]

أني اي وقت تتفقون عليه بكون وياكم قرروا وأني وياكم

[الحوراء الأنسية]

ويش نمبر ويش قلتين

[نور فاطمة]

اني خاطري الحين

بس فطوم تطعيمها و محرم جاي

ما ادري من 15 محرم نبتدي؟

[الحوراء الأنسية]

أني فطوم يوم الخميس تطعيمها

[نور فاطمة]

يعني بكرة

اني يوم الأحد

[الحوراء الأنسية]

الظاهر رحتون تصلون نسألكم الدعاء

[الحوراء الأنسية]

إي باجر تطعيمها الله يعينا إن شاء الله ما تمرض واجد

[نور فاطمة]

اني خايفة من التطعيم لانة فطوم كل مرة 3 ايام اسخونة

الله يعين

[نور فاطمة]

بخليكم الحين أن شاء الله اشوفكم بعدين

[الحوراء الأنسية]

يو هدي أم سنة ونص تكسر ما يقدرون يمشون

[الحوراء الأنسية]

يقول ليي زوجي يمكن يأجل تطعيم فطوم ليوم الأحد

[أم حمود]

عدنا

كنت في مكتب الرئيسة وطولت شويتين ... أوك إذا هذا رأي الأغلبية نبدأ بعد العشرة 15 محرم إن شاء الله

[الحوراء الأنسية]

يمكن اتأخر في الطلعة لأن اليوم زوجي قال ليي لا تروحين في هالضباب ووصلني يعني وقت اللي يطلع ويجي ليي أطلع

[أم حمود]

أم فاطمة الله يساعدش .. هذي أصعب إبرة وإذا كانت الأبر اللي قبلها واجد تعبتها اخذي احتياطاتش عدل ولا تطعمينها إذا كانت تعبانة ولو شويونة

[الحوراء الأنسية]

زين عجل نتفق على 15 محرم بس خلنا نحط البرنامج من ألحين ونتشاور في الأشياء ونعطي النصائح والله يهديهم يارب بركات العشرة أني حمود رباه كله في تعليم الحمام طلع عيوني ما مشت إيدي على ضربه الا ويا تعليم الحمام

[الحوراء الأنسية]

يالله مع السلامة شكله ما في أحد

[ريحانة الرسول]

تعالو على شنو تتفقون من وراي يالله اعترفوا

[ريحانة الرسول]

من موجووووووووووووووووووووود شكلي قاعدة اهدر ابروحي

[ريحانة الرسول]

ما شاء الله عليكم كل هدا صلاة وعبادة

[ريحانة الرسول]

فرفوشششششششششششششششششششششة

[ريحانة الرسول]

بااااااااااااااااااااااااااك

[ريحانة الرسول]

الى الان لا تواجد للعضوات ما ادري ويش السبب ما في الا اني وشكلي مليت وبقوم

[احلى ولاء]

مرحبااااااااااااا اخوات شخباركم وشخبار العيال

[احلى ولاء]

من فترة ما دشيت والله صارت سوالف فاتتني خسارة }} خخخخخخ مو كاني رازة الوجه شوي

[احلى ولاء]

وي مافي احد مافي الي اني بروحي
كلكم نيام

اقول عجل مع السلامة وتصبحون على خير واحلام سعيدة خخخخخخ

[أم فاتي زيزي]

خيو للحين ماااكوا باسورد على الشاات دخلت عاادي ويش السالفة

[نور فاطمة]

شخباركم؟

ام فاتي خليت الباسورد لانش مشرفة مفتوح اليش

ههههههههه

[نور فاطمة]

شخبارش أحلى ولاء؟

اهنة قاعدين لاتروحين

[أم فاتي زيزي]

مساء الخير

اليوم المنتدى كان مقفل

ام فاطمة عبارتنااا للحين ماتعودت على الاشراف خخخ ولا ادري بصلاحياتي

[نور فاطمة]

مساء النور ام فطوم و زنوب

الصبح كان مقفل بسبب الاستضافة كان عندهم مشكلة و الحمد لله انحلت

و عن الصلاحيات بخبرش ركن الاداريين

انتظرش اهناك

[ام الكوثر]

السلام عليكم ورحمة الله وبركاته

صباح الخير

انا جديده معكم في المنتدي والتجمع

عندي ابني يوسف والان حامل
بس ناسيت الحامل وتعبها الاني ما حملت بي السرعه
اجلس الصباح عشان ابني يروح المدرسه

وانتم اخباركم وشو عملين

[نور فاطمة]

وعليكم السلام ورحمة الله وبركاته

صباح النور

شخبارش أختي و حياش الله بيننا

و الله يخلي اليش يوسف و يتمم حملش بخير

و اني عندي فطوم عمرها سنة و نص

لازم تسهر الليل و تنام الصبح

[أم فاتي زيزي]

اهلين ام يوسف حياش الله بينا والله يتمم حملش على خير انشاء الله ويخلي ليش ابنش

[ام الكوثر]

هلا فيكم

هلا ام فطوم الله يحفظها لكي وعوديها على وقت النوم

عشان ما تسهر كثير

الله يسمع منج وان شاء الله اجبيب اخت لليوسف
وعظم الله اجركم في مصيبة اباعبد الله الحسين عليه السلام

[أم فاتي زيزي]

ام يوسف عظم الله اجرك انتي كذالك وانشاء الله تجيبي اخت ليوسف شنو راح تسمينهاااا لو بنت

[ام الكوثر]

ان شاء الله راح اسميها

الكوثر من زمان حب اسمي الكوثر

[نور فاطمة]

عظم الله أجرنا و أجركم

واجد جميل اسم كوثر

أن شاء الله أجيبين بنت و اسمينها كوثر

[أم فاتي زيزي]

حلووو اسم كوثر وتدلعينها تسمينها توتو

[أم الورود]

يا بنات ,يا امهات هل من مرحب ؟أنا جديده........

[نور فاطمة]

شخبارش أم الورود أن شاء الله بخير

حياش الله بيننا

[نور فاطمة]

ما قلتين عندش كم طفل؟

[أم الورود]

هله بأم فاطمة العزيزة .آنى عندى ثلاثة ورود, وردة ناعمة وردية اللون وعندى وردتين لونهم أزرقle315

[نور فاطمة]

الله يخليهم اليش الورود و يحفظهم من كل شر

[الحوراء الأنسية]

السلام عليكم شخباركم
إن شاء الله صباحنا ورد على طاري الورود يأم الورود
فاتي
أني سيدة ضحكت عليش يوم قلتين للحين ما فيه باسوورد
اصلاً من اللحظة اللي قالت فيها أم فاطمة اشتغل الباسوورد
ما قلت ليش شفت قفوش

[الحوراء الأنسية]

اليوم المشرفة الظاهر متأخرة

[أم حمود]

السلام
شخباركم أمهات

[أم حمود]

وحيدة فريدة تركوني

اهيء اهيء اهيء

[الحوراء الأنسية]

لا أم حمود أني هني
بس يا خلف جبدي لا تصيحين

[الحوراء الأنسية]

أم حمود يمكن اليوم نروح السعودية

[أم حمود]

هلا أم أحمد شخبارش

أمس حمواتي راحوا ويا حميي ومرت حميي من الصبح لليل وصار خاطري اروح لأن محتاجة كمبيوتر ونفكر نآخذ من هناك وقالي أبو الشباب إذا صدق خاطرش عدل بوديش قبل محرم لأن بعدين ما في إلا في ربيع إن شاء الله

بس قلت ليه ما ابي اروح ما في داعي اروح واني مو محتاجة شيء عاجل والكمبيوتر من هني اضمن أخاف أروح واشتري شيء مو محتاجة ليه خصوصا أني مبديه اشتري الصيفي وهناك ما عندهم واهني ما باقي شي على تخفيضات نهاية الموسم

[أم حمود]

عيون ما حطيت ليش صور حمود في العيد دامش بس أنتي موجودة ما في أحد " الوسواس ضارب التوب " بحطهم إذا للحين أنتي هني وبحذفهم بسرعة

[أم حمود]

الصور بححح

[الحوراء الأنسية]

أني باخد للجهال ثياب سودان
لأن زوجي قبل ليلتين راح ويا صبيان وقال شاف فيه ثياب سودان واجد
يالله خلنا نشوف حمود

[الحوراء الأنسية]

يا علي القمر حمود
شيخ شيخ
الله يخليه
بس في هالصورة صاير ابيضاني
من هدا لعرسه ما يندرى تعزمينا بعد لو كل ناس في وادي

[أم حمود]

ويخليش ويبلغش في أولادش وتزوجينهم

..........

أني كملت ثياب محرم الحمدلله والسنة ناوية ألبس أحمد أسود أغلب الشهرين يعني مو بس لليلة 12 نفس اللعام

[الحوراء الأنسية]

اللاي الصورة الولية شكله في كيسه خمسة دينار

[الحوراء الأنسية]

المشكلة في الشتا حتى لو ألبس فطوم ثياب سودان أرد البسها جاكيت وما يبينون السودان إدا حصلت ليها جاكيت أسود بشتري

[أم حمود]

حمود يتشكل كان لحد 9 شهور أبيض وبعدين أسمر وألحين ساعات أسمر على أبوه وساعات أسود أجلح خخخ وساعات أبيض على أصفر بصلي !!! زي حلاتي !!!

[أم حمود]

خخخخخ اي في جيسه كان 5 وحدات 5 دينار من عماته وعمومه هالعيد كانت الحصيلة زينة الحمدلله وتوني رادتهم ليه اتسلف ابوه 40 منهم تموا في شنطتي وشريت فيهم مكنسة ومكواة بخار وما حبيت ابوه يدفع بالبطاقة جدي ما اعرف جم بالضبط صرفنا من جدي دائما افضل الكاش وما كنا حاملين

[أم حمود]

أني كنت شايفه جاكيت أسود مخمل كشخة عدل في كارتيرز بس استغليته بستة و700 كان وألحين خلص التخفيض ورجع بثمانية ونص

[أم حمود]

أني ما شريت شتوي عدل السودان لأن خفت في صفر يكون واجد حر فشريت جم وحدة بس شتوية عدل والباقي عادي بس كم طويلة وبلبسه تحتهم دكاك إذا كان برد

[الحوراء الأنسية]

بالعكس ولادي هالعيد كانت حصيلتهم قليلة لأن ما كنا هني ولا دارت وياهم حماتي واجد لأن صار عندها أربع جهيلات الله يعودهم وبعد نروح عنهم الحج هههههههههههههه
أني بعد باخد السودان خفاف وكم طويل لأن بخلي تحت شباحات ولين صار برد أكثر جاكيت عشان لو استحر الوقت استفيد منهم لأن ساعات حتى لو برد لين دخلتين الماتم ومن الزحمو يستوي حر جدي بس بفصخها الجاكيت

[الحوراء الأنسية]

ما شاء الله عليش أم حمود لازم حساب الوارد والصادر
أني هالمسألة مخلتنها على زوجي
هو يحب جدي ودائماً يقول ليي لا تحاتين هالأمور خليها عليي وما شاء الله عليه شاطر في هالسوالف وحاط قدامه هدف أنه نغطي القروض قبل مدتها من جدي نجمع تجمع عشان تقل الأرباح

[أم حمود]

خيو لا تنسين تمرين ستي ماكس إذا رحتين عنده هناك تخفيضات والفانيلات على 5 و10 ريال والبنطلونات على 10 ريال وقبل فترة كنت شايفه عنده جم شيء أسود ، أني من فترة شريت من عنده جاكيت حلو أبيض بس في الكم والايادي وعلى طرف أسود بدينارين ونص والمفروض هو الحين من البضاعة المخفضة بلبسه فوق الخفاف أو اللي نص كم وبفتح الجاكيت

[أم حمود]

لا أني بالعكس هي شغلتي لأن ثنينا نعرف أني أشطر فيها الصراحة من جدي على طول تشوفين عندي ورقة وقلم وكلكوليتر صدق ما استغني عنهم وحتى الفواتير مستحيل أقطهم قبل 6 شهور على الأقل وغالباً أخليهم في علبة وعندي بعضهم من بداية زواجنا كلش !!!

[الحوراء الأنسية]

إن شاء الله أروح ماكس
أني حتى لو اشارك في الحسابات بس التخطيط لزوجي
هو أشطر في هالسالفة
وأرصدة المناسبات الهمة أني بعد احتفظ بهم
بمر بعد العلواني برد اشتري من الفانيلات أم رقبة عجبتني مالة فطوم بشتري ليها ألوان ثانية حتى أمي عجبتها

[الحوراء الأنسية]

يو طلعت رقم تركوني في الساحة وحدي

[أم حمود]

يو جي ما قطعوا عنكم النت عيون

احنا انقطع وتوه مشتغل

[الحوراء الأنسية]

صلي على النبي مو مقطوع عندنا النت

[أم حمود]

احنا الظاهر داخليا الايتي ما ادري شنو قاعدين يسوون قاعد يقطع ومرات يبندونه خير شر مللونا

[نور فاطمة]

صباح الخیر....

شخباركم ؟؟

أن شاء الله بخير :nadismilyblushinga::nadismilysmilea:

[نور فاطمة]

ويش رايكم في الابتسامات محد علق

:nadismilywidesmia::nadismilysurpria:

[نور فاطمة]

أم حمود

فترة الصباح بعد ما في صور :nadismilywahhha:

[الحوراء الأنسية]

أني ما شفتهم توني ألحين لأن ما اأحط في كتاباتي واجد بس كلش حلوين :nadismilyyummya::nadismilyhead1a:

[أم حمود]

واجد عجبوني كشوخين وكنت بعلق بس نسيت

[الحوراء الأنسية]

جي حقويه مافي صور فترةالصباح

[الحوراء الأنسية]

حليو جدي أنه المنتدى يكون فيه أشياء خاصة مختلفة عن باقي المنتديات يصير مميز

[الحوراء الأنسية]

هالصورتين اللي حطيتهم شفوني على ايسكريم حلو

[نور فاطمة]

أم حمود حذفت الصور :nadismilywahhh:

[الحوراء الأنسية]

أم افطمة أحنا تعودنا بما أن الشات مفتوح نحطهم يشوفونهم الناس ونحذفهم الا بسألش خاصية التعديل كم تظل

[الحوراء الأنسية]

اليوم فاتي زيزي ما جت اليوم ان شاء الله خير

[أم حمود]

أم فاطمة ولا يهمش ألحين ارجع احطهم اني صرت أخاف ما اطول أو ما احط وأحد ما نعرفه موجود بعد اللي صار ولأن نت الشغل علة ع طول يبند

[الحوراء الأنسية]

بقول ليكم حركة فطوم امس
كنت بشيل شيرة حماتي سخنت الشيرة وجابتها حطتها واحنا نسولف ما شفت إلا فطوم رايحة مقابلة الشيرة وفاصخة دولاغها ومشلحة صروالها ومشلحة كمومها موتتنا من الضحك

[أم حمود]

راحت الصور

[أم حمود]

الله يغربل ابليسها الحلوة

عليها حركات بعد فطوم والله مو هينين هالكتاكيت كل شي يعرفونه

[نور فاطمة]

الله يخلي حمود الكشخة

معرس من صغرة

الله يخلي اليكم و تبلغون فية

[نور فاطمة]

بس 15 دقيقة للتعديل

فطوم عليها حركات هههههههه